ऑफिसच्या डब्यासाठी ‘या’ पद्धतीने बनवा चमचमीत भेंडी फ्राय, लहान मुलं आवडीने खातील भाजी

लहान मुलांसह घरातील मोठे व्यक्ती भेंडीच्या भाजीचे नाव काढल्यानंतर नाक मुरडतात. त्यामुळे आज आम्ही तुम्हाला सोप्या पद्धतीमध्ये भेंडी फ्राय बनवण्याची सोपी रेसिपी सांगणार आहोत. हा पदार्थ कमीत कमी वेळात तयार होतो.

लहान मुलांसह मोठ्यांच्या डब्यासाठी नेमी नेहमी काय भाजी बनवावी? हे अनेकदा सुचत नाही. भेंडीच्या भाजीचे नाव ऐकल्यानंतर मुलं आणि घरातील मोठे व्यक्ती नाक मुरडतात. भेंडीची भाजी अनेकांना खायला आवडत नाही. पण भेंडीची भाजी खाणे आरोग्यासाठी अतिशय पौष्टिक आहे. भेंडीच्या भाजीसोबत तुम्ही चपाती, भाकरी किंवा भात खाऊ शकता. आज आम्ही तुम्हाला सोप्या पद्धतीमध्ये भेंडी फ्राय बनवण्याची रेसिपी सांगणार आहोत. या पद्धतीमध्ये भेंडीची भाजी बनवल्यास चव अतिशय सुंदर लागेल. तुम्ही बनवलेल्या भाजीचे सगळेच कौतुक करतील. त्यामुळे सकाळच्या डब्यासाठी भेंडी फ्राय बनवू शकता. दुपारच्या जेवणात काम करून भूक लागल्यानंतर काहींना काही चमचमीत पदार्थ खाण्याची इच्छा होते. अशावेळी भेंडी फ्राय हा पर्याय अतिशय उत्तम आहे.(फोटो सौजन्य – iStock)

सकाळच्या नाश्त्यात चहासोबत खाण्यासाठी बनवा मेथीच्या पुऱ्या, आठवडाभर टिकून राहील पदार्थ

साहित्य:

• भेंडी
• लाल तिखट
• मीठ
• मैदा
• कॉर्न फ्लॉवर
• बेकिंग पावडर
• लसूण पेस्ट
• टोमॅटो सॉस
• चिली फ्लेक्स
• पाणी
• मध
• तीळ
• कोरियन मिरची पेस्ट

दुपारच्या जेवणासाठी घरीच बनवा चमचमीत ढाबास्टाईल शेवगा मसाला, नोट करून घ्या सिंपल रेसिपी

कृती:

• भेंडी मसाला बनवण्यासाठी सर्वप्रथम, भेंडी पाण्याने स्वच्छ धुवून घ्या. त्यानंतर उभी चिरून घ्या.
• वाटीमध्ये मैदा,बेकिंग पावडर, कॉर्न फ्लॉवर टाकून मिक्स करा. त्यानंतर त्यात चवीनुसार मीठ, लाल तिखट हे सर्व पदार्थ मिक्स करून त्यात आवश्यकतेनुसार पाणी घालून जाडसर पीठ बनवा.
• चिरून घेतलेल्या भेंडीला तयार केलेले पीठ लावून गरम तेलात भेंडी फ्राय करा. भेंडी फ्राय करताना जास्त लाल करू नये.
• कढईमध्ये तेल गरम करून त्यात लसूण, कोरियन पेस्ट, टोमॅटो सॉस, चिली फ्लेक्स, पांढरे तीळ घालून नंतर फ्राय करून घेतलेली भेंडी टाकून मिक्स करा.
• सगळ्यात शेवटी वरून मध टाकून मिक्स करा. तयार आहे सोप्या पद्धतीमध्ये तयार आहे भेंडी मसाला.