दुपारच्या जेवणासाठी घरीच बनवा चमचमीत ढाबास्टाईल शेवगा मसाला, नोट करून घ्या सिंपल रेसिपी

हाडांच्या आरोग्यासाठी शेवग्याच्या शेंगा अतिशय पौष्टिक आहेत. यामध्ये भरपूर कॅल्शियम आढळून येते. म्हणूनच आज आम्ही तुम्हाला चमचमीत ढाबास्टाईल शेवगा मसाला बनवण्याची सोपी रेसिपी सांगणार आहोत.

दुपारच्या जेवणासाठी घरीच बनवा चमचमीत ढाबास्टाईल शेवगा मसाला

Follow Us:

Follow Us:

नेहमीचे साधे आणि कमी मसालेदार जेवण जेवून कंटाळा आल्यानंतर काहींना काही झणझणीत पदार्थ खाण्याची इच्छा होते. भात, डाळ, भाजी, चपाती इत्यादी ठराविक पदार्थ रोजच्या जेवणात बनवले जातात. त्यामुळे नेहमी नेहमी काय भाजी बनवावी? अनेकदा सुचत नाही. झणझणीत पदार्थ खाण्याची इच्छा झाल्यानंतर अनेक लोक हॉटेलमध्ये किंवा ढाब्यावर जाऊन जेवतात. मात्र सतत बाहेरचे तेलकट आणि तिखट जेवण खाणे आरोग्यासाठी अतिशय घातक आहे. म्हणूनच आज आम्ही तुम्हाला सोप्या पद्धतीमध्ये घरी चमचमीत ढाबास्टाईल शेवगा मसाला बनवण्याची सोपी रेसिपी सांगणार आहोत. शेवग्याच्या शेंगा आरोग्यासाठी अतिशय पौष्टिक आहेत. या शेंगांमध्ये आढळून येणारे कॅल्शियम हाड आणि रोगप्रतिकारशक्ती निरोगी ठेवण्यासाठी मदत करतात. शेवग्याच्या शेंगांचा वापर करून अनेक वेगवेगळे पदार्थ देखील बनवले जातात. चला तर जाणून घेऊया चमचमीत ढाबास्टाईल शेवगा मसाला बनवण्याची सोपी रेसिपी.(फोटो सौजन्य – iStock)

Onion Chutney: कोलेस्टेरॉल कमी करण्यासोबतच आतडेही साफ करते ही कांद्याची चटणी; कशी बनवायची ते जाणून घ्या

साहित्य:

• शेवग्याच्या शेंगा
• खडे मसाले सर्व
• मीठ
• तेल
• लाल तिखट
• हळद
• गरम मसाला
• सुक खोबरं
• कांदा
• टोमॅटो
• आलं लसूण पेस्ट
• काळा मसाला
• कोथिंबीर

सकाळच्या नाश्त्यात चहासोबत खाण्यासाठी बनवा मेथीच्या पुऱ्या, आठवडाभर टिकून राहील पदार्थ

कृती:

• ढाबास्टाईल शेवगा मसाला बनवण्यासाठी सर्वप्रथम, शेवग्याच्या शेंगांची साल काढून तुकडे करून घ्या.
• कढईमध्ये सर्व खडे मसाले टाकून लालसर होईपर्यंत व्यवस्थित भाजून थंड होण्यासाठी ठेवा. त्यानंतर त्यात सुकं खोबर भाजून घ्या.
• कढईमध्ये तेल गरम करून त्यात हिंग, मोहरी आणि कढीपत्ता टाकून भाजा आणि नंतर कांदा टोमॅटो, आलं लसूण पेस्ट टाकून मिक्स करून घ्या.
• त्यानंतर त्यात चवीनुसार मीठ टाकून कांदा, टोमॅटोची ग्रेव्ही व्यवस्थित भाजून घ्या. कांदा शिजल्यानंतर त्याला तेल सुटेल.
• नंतर त्यात लाल तिखट, हळद, गरम मसाला आणि काळा मसाला आणि भाजून बारीक करून घेतलेले सर्व मसाले टाकून मिक्स करा.
• मसाला व्यवस्थित भाजून झाल्यानंतर त्यात बारीक करून घेतलेल्या शेवग्याच्या शेंगा टाकून शिजवून घ्या आणि आवश्यकतेनुसार पाणी घाला.
• शेंगा शिजल्यानंतर वरून कोथिंबीर टाकून मिक्स करा. तयार आहे सोप्या पद्धतीमध्ये बनवलेली ढाबास्टाईल शेवगा मसाला.

Web Title: How to make shevga masala at home simple food recipe cooking tips drumstick benefits

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com