वरण भातासोबत लागेल चविष्ट! १० मिनिटांमध्ये कडू कारल्यापासून बनवा झणझणीत ठेचा, नोट करून घ्या रेसिपी

आज आम्ही तुम्हाला कारल्याच्या भाजीपासून झणझणीत ठेचा बनवण्याची सोपी रेसिपी सांगणार आहोत. हा पदार्थ चवीला अतिशय सुंदर लागतो. जाणून घ्या कारल्याचा ठेचा बनवण्याची सोपी रेसिपी.

झणझणीत चवीचा ठेचा सगळ्यांचं खायला खूप जास्त आवडतो. जेवणाची चव वाढवण्यासाठी ताटात कायमच ठेचा वाढला जातो. भाजी बनवण्याचा कंटाळा आल्यानंतर किंवा कायमच त्याच ठराविक भाज्या खाऊन बोर झाल्यानंतर झणझणीत ठेचा भाकरीसोबत किंवा चपातीसोबत खाल्ला जातो. यापूर्वी तुम्ही कायमच लसूण ठेचा, हिरव्या मिरचीचा ठेचा, शेंगदाण्याचा ठेचा खाल्ला असेल पण आज आम्ही तुम्हाला कारल्याच्या भाजीचा ठेचा बनवण्याची सोपी रेसिपी सांगणार आहोत. चवीला कडू असलेले कारलं खायला अनेकांना आवडत नाही. पण या भाजीमध्ये असलेले पोषक घटक शरीरासाठी अतिशय गुणकारी ठरतात. रक्तात वाढलेली साखर नियंत्रणात ठेवण्यासाठी कडू कारल्याचा रस किंवा भाजीचे सेवन केले जाते. औषधी गुणधर्मांनी समृद्ध असलेले कारलं चवीला अतिशय सुंदर लागते. चला तर जाणून घेऊया कारल्याचा ठेचा बनवण्याची सोपी कृती.(फोटो सौजन्य – istock)

Recipe : हिवाळ्यात बाजारात भरपूर रताळे आलेत, जेवणाला यापासून बनवा कुरकुरीत काप

साहित्य:

• कारली
• शेंगदाणे
• मीठ
• हिरवी मिरची
• लसूण
• कढीपत्ता
• जिरं
• लिंबाचा रस

Stuffed Capsicum Recipe: दुपारच्या जेवणात ‘या’ पद्धतीने बनवा भरलेली शिमला मिरची, लहान मुलांसह मोठेसुद्धा खातील आवडीने

कृती:

• कारल्याचा ठेचा बनवण्यासाठी सर्वप्रथम, कारली स्वच्छ पाण्याने धुवून घ्या. त्यानंतर दोन भाग करून आतील बिया काढा.
• बारीक करून घेतलेल्या कारल्यानां मीठ लावून काहीवेळा तसेच ठेवा. यामुळे भाजीमधील कडूपणा कमी होईल आणि चव सुंदर लागेल.
• तवा गरम करून त्यात कारली भाजा. त्यानंतर त्याच तव्यात शेंगदाणे, लसूण पाकळ्या, हिरव्या मिरच्या, कढीपत्ता आणि जिरे घालून व्यवस्थित लाल होईपर्यंत भाजा.
• भाजून घेतलेले सर्व पदार्थ थंड झाल्यानंतर मिक्सरच्या भांडयात टाकून जाडसर बारीक वाटून घ्या.
• तयार केलेला ठेचा वाटीमध्ये काढून त्यात लिंबाचा रस घालून व्यवस्थित मिक्स करा.
• तयार आहे सोप्या पद्धतीमध्ये बनवलेला झणझणीत कारल्याचा ठेचा. हा पदार्थ लहान मुलांपासून मोठ्यांपर्यंत सगळ्यांचं खूप जास्त आवडेल.