कांदा भाजी खाऊन कंटाळा आला आहे? मग सोप्या पद्धतीमध्ये न थापता बनवा कुरकुरीत कोबीची वडी, नोट करा रेसिपी

कोबीची भाजी खायला अनेकांना आवडत नाही. अशावेळी तुम्ही सोप्या पद्धतीमध्ये कोबीची वडी बनवू शकता. कोबीची कुरकुरीत वडी लहान मुलांसह मोठेसुद्धा आवडीने खातील. जाणून घ्या कोबीची वडी बनवण्याचीव सोपी रेसिपी.

संध्याकाळच्या जेवणात किंवा इतर वेळी भूक लागल्यानंतर काहींना काही खाण्याची इच्छा होते. अशावेळी बाहेरून विकत आणलेला सामोसा, वडापाव, शेवपुरी किंवा इतर आवडीचे पदार्थ आणून खाल्ले जातात. मात्र नेहमी नेहमी बाहेर विकत मिळणारे पदार्थ आणून खाण्यापेक्षा घरी बनवलेल्या चविष्ट आणि हेल्दी पदार्थांचे सेवन करावे. या पदार्थांच्या सेवनामुळे आरोग्याला कोणतीही हानी पोहचत नाही. म्हणूनच आज आम्ही तुम्हाला सोप्या पद्धतीमध्ये न थापता कोबीची वडी बनवण्याची सोपी रेसिपी सांगणार आहोत. कोबीची भाजी अनेकांना खायला आवडत नाही. कारण कोबीच्या वास घेतल्यानंतर भाजी खाण्यास नकार दिला जातो. मात्र कोबीच्या भाजीमध्ये अनेक गुणकारी घटक आढळून येतात. चला तर जाणून घेऊया सोप्या पद्धतीमध्ये कोबीची वडी बनवण्याची सोपी रेसिपी.(फोटो सौजन्य – iStock)

रविवार होईल आणखीनच स्पेशल! दुपारच्या जेवणात बनवा चमचमीत पनीर चीज टिक्की, नोट करून घ्या रेसिपी

साहित्य:

• कोबी
• तांदळाचे पीठ
• मीठ
• लाल तिखट
• लसूण
• हिरवी मिरची
• बेसन पीठ
• कॉर्नफ्लॉवर
• हळद
• जिरं

सकाळचा नाश्ता होईल आणखीन चविष्ट! सोप्या पद्धतीमध्ये घरी बनवा कुरकुरीत टोमॅटो डोसा, वाचा रेसिपी

कृती:

• कोबीची वडी बनवण्यासाठी सर्वप्रथम, कोबी स्वच्छ धुवून बारीक चिरून किंवा किसून घ्या.
• त्यानंतर मिक्सरच्या भांड्यात लसूण, हिरवी मिरची, आलं आणि जिरं टाकून बारीक वाटून घ्या.
• तयार करून घेतलेली पेस्ट कोबीच्या मिश्रणात टाकून मिक्स करा. नंतर त्यात चवीनुसार मीठ, लाल तिखट, हळद, गरम मसाला टाकून व्यवस्थित मिक्स करून घ्या.
• नंतर त्यात बेसन पीठ, तांदळाचे पीठ आणि आवश्यकतेनुसार कॉर्नफ्लॉवर टाकून मिक्स करून घ्या. तयार केलेले मिश्रण जास्त घट्ट झाल्यास त्यात गरजेनुसार पाणी घालून पीठ व्यवस्थित तयार करा.
• ताटाला तेल लावून त्यावर कोबीचे मिश्रण उभे आकारात तयार करा आणि गरम टोपावर वाफवण्यासाठी ठेवा. कोबीच्या वडी वाफवल्यानंतर थंड करून घ्या.
• सुरीच्या साह्याने तुकडे पडून कोबीची वडी तळून घ्या. तयार आहे सोप्या पद्धतीमध्ये बनवलेली कोबीची वडी.