सकाळच्या नाश्त्यासाठी १० मिनिटांमध्ये बनवा हेल्दी काजू शेक, दिवसभर टिकून राहील शरीरात ऊर्जा

लहान मुलांपासून अगदी मोठ्यांपर्यंत सगळ्यांचं मिल्कशेक प्यायला खूप आवडते. मात्र आज आम्ही तुम्हाला सोप्या पद्धतीमध्ये काजू शेक बनवण्याची सोपी रेसिपी सांगणार आहोत.

सकाळी झोपेतून उठल्यानंतर संपूर्ण दिवस आनंद आणि उत्साहात जावा, यासाठी अनेक लोक व्यायाम, प्राणायाम आणि इतर अनेक गोष्टी करतात. मात्र वजन वाढेल या भीतीने नाश्ता करणे टाळले जाते. असे न करता सकाळच्या वेळी पोटभर नाश्ता करणे आवश्यक आहे. सकाळी उठल्यानंतर पोटभर नाश्ता केल्यास संपूर्ण दिवस आनंद आणि उत्साहात जातो. याशिवाय दुपारच्या वेळी लवकर भूक लागत नाही. नाश्ता करणे आरोग्यासाठी अतिशय फायद्याचे आहे. म्हणूनच आज आम्ही तुम्हाला काजू शेक बनवण्याची सोपी रेसिपी सांगणार आहोत. काजू हा पदार्थ उष्ण असल्यामुळे अनेक लोक काजू खात नाहीत. पण रोज ४ किंवा ५ काजू तुम्ही आहारात खाऊ शकता. यामुळे शरीराला ऊर्जा मिळेल आणि संपूर्ण दिवस आनंद, उत्साहात जाईल. चला तर जाणून घेऊया काजू शेक बनवण्याची सोपी रेसिपी.(फोटो सौजन्य – istock)

जेवणात तोंडी लावण्यासाठी तिखट पदार्थ हवा असेल तर लाल मिरच्यांपासून झटपट बनवा झणझणीत वऱ्हाडी ठेचा

साहित्य:

• काजू
• दूध
• साखर
• बर्फाचे तुकडे
• केळ
• केशर
• व्हॅनिला आईस्क्रीम

सकाळचा नाश्ता होईल स्पेशल! १० मिनिटांमध्ये झटपट बनवा चीज कॉर्न मॅगी, नोट करून घ्या रेसिपी

कृती:

• काजू शेक बनवण्यासाठी सर्वप्रथम, वाटीमध्ये ५ काजू घेऊन त्यात पाणी घालून भिजत ठेवा.
• मिक्सरच्या भांड्यात भिजवलेले काजू, व्हॅनिला आईस्क्रीम,पिकलेल्या केळ्याचे तुकडे आणि दूध घालून बारीक वाटून घ्या.
• त्यानंतर त्यात केशर आणि आवश्यकतेनुसार साखर घालून पुन्हा एकदा बारीक वाटून घ्या.
• शेक बनवताना त्यात जास्त प्रमाणात व्हॅनिला आईस्क्रीम घालू नये. अन्यथा सर्दी किंवा खोकला होण्याची जास्त शक्यता असते.
• तयार केलेले शेक काचेच्या ग्लासात ओतून वरून केशर काड्या टाकून सजवा.
• तयार आहे सोप्या पद्धतीमध्ये बनवलेला काजू शेक. हा पदार्थ लहान मुलांनासुध्दा खूप जास्त आवडेल.