१० मिनिटांमध्ये सकाळच्या नाश्त्यासाठी बनवा Cheese Garlic Bread, घरातील सगळ्यांचं आवडेल चविष्ट पदार्थ

सकाळच्या नाश्त्यात तुम्ही चीज गार्लिक ब्रेड बनवून खाऊ शकता. हा पदार्थ लहान मुलांपासून अगदी मोठ्यांपर्यंत सगळ्यांचं खूप जास्त आवडेल. चला तर जाणून घेऊया चीज गार्लिक ब्रेड बनवण्याची रेसिपी.

लहान मुलांपासून अगदी मोठ्यांपर्यंत सगळ्यांचं चीज खायला खूप जास्त आवडते. चीज खाणे आरोग्यासाठी अतिशय गुणकारी ठरते. घरात पिझ्झा, पास्ता किंवा सँडविच बनवल्यानंतर त्यात चीज टाकले जाते. चीज टाकल्यामुळे पदार्थाची चव वाढते. सकाळच्या नाश्त्यात कायमच कांदापोहे, उपमा, शिरा आणि पराठा खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप जास्त इच्छा होते. अशावेळी तुम्ही सोप्या पद्धतीमध्ये चीज गार्लिक ब्रेड बनवू शकता. बाजारात चीज गार्लिक ब्रेड हा पदार्थ किमतीने अतिशय महाग असतो. याशिवाय विकत मिळणाऱ्या पदार्थांमध्ये काहीवेळा भेसळ युक्त चीज किंवा इतर पदार्थांचा वापर केला जातो. त्यामुळे कायमच घरी बनवलेल्या पौष्टिक पदार्थांचे सेवन करावे. सकाळच्या नाश्त्यात कायमच हेल्दी पदार्थांचे सेवन करावे. पोटभर नाश्ता केल्यास दुपारच्या वेळी लवकर भूक लागणार नाही आणि शरीराला तात्काळ ऊर्जा मिळेल. चला तर जाणून घेऊया चीज गार्लिक ब्रेड बनवण्याची सोपी कृती.(फोटो सौजन्य – istock)

hummus Recipe : घरीच मार्केटसारखा क्रिमी ‘हमस’ बनवायचा आहे? मग ही सिंपल रेसिपी फाॅलो करा

साहित्य:

• चीज
• लसूण पाकळ्या
• तेल
• बटर
• मीठ
• हिरवी मिरची
• कोथिंबीर
• चिली फ्लेक्स आणि ओरिगॅनो
• मोझेरेला चीज
• ब्रेड

Winter Special : मुळ्याची भाजी खायला आवडत नाही? मग नाश्त्याला बनवा खमंग पराठा; याची चव सर्वांनाच करेल खुश

कृती:

• गार्लिक ब्रेड बनवण्यासाठी सर्वप्रथम, कढईमध्ये तेल आणि बटर मिक्स करून गरम करून घ्या. त्यानंतर त्यात लसूण पाकळ्या तळून घ्या.
• लसूण सोनेरी होईपर्यंत भाजल्यास त्यातील उग्र वास निघून जाईल आणि लसूणची चव सुंदर लागेल.
• वाटीमध्ये थंड झालेल्या लसूण मॅश करून घ्या. त्यानंतर त्यात बटर, चिलीफ्लेक्स, ओरिगॅनो, कोथिंबीर आणि बारीक चिरलेल्या मिरच्या घालून व्यवस्थित मिश्रण मिक्स करा.
• तयार केलेले मिश्रण ब्रेडवर लावून त्यावर किसून घेतलेले मोजेरेला चीज टाकून व्यवस्थित सगळीकडे एकसमान पसरवून गरम तव्यावर ठेवा.
• ब्रेड व्यवस्थित भाजण्यासाठी बटर टाकून झाकण ठेवा. यामुळे चीज पूर्णपणे वितळून जाईल.
• तयार आहे सोप्या पद्धतीमध्ये बनवलेले चीज गार्लिक ब्रेड.हा पदार्थ तुम्ही लहान मुलांच्या डब्यासाठी सुद्धा देऊ शकता.