hummus Recipe : घरीच मार्केटसारखा क्रिमी ‘हमस’ बनवायचा आहे? मग ही सिंपल रेसिपी फाॅलो करा

तरुणांमध्येही हमस हा पदार्थ फार लोकप्रिय आहे. काबुली चण्यांपासून याला तयार केले जाते. हमस खाण्याने शरीराला ऊर्जा मिळते, पोट भरलेले राहते आणि पचन सुधारते. आजच्या फास्ट लाईफमध्ये हमस हा एक परफेक्ट हेल्दी स्नॅक्स आहे.

(फोटो सौजन्य: Pinterest)

Follow Us:

Follow Us:

• काबुली चण्यांपासून हमस तयार केला जातो
• तरुणांमध्ये ही डिश खूप लोकप्रिय आहे
• पिटा ब्रेड किंवा फलाफल किंवा कोणत्याही गोष्टीसोबत डीप म्हणून सर्व्ह केला जातो

Recipe : काबुली चण्यापासून बनवा पौष्टिक आणि कुरकुरीत फलाफल; एकदा खाल तर पुन्हा बनवाल

हमस हा फक्त डिप किंवा सॉस नाही, तर तो एक सुपरफूड मानला जातो. कारण यात भरपूर प्रोटीन, फायबर, कॅल्शियम आणि व्हिटॅमिन्स असतात. वजन कमी करायचं असेल, कोलेस्ट्रॉल कमी ठेवायचा असेल किंवा हेल्दी स्नॅक हवा असेल, तर हमस एक उत्तम पर्याय आहे. तो पिटा ब्रेड, फालाफल, भाज्या किंवा अगदी टोस्टवरही अप्रतिम लागतो. चला या रेसिपीसाठी लागणारे साहित्य आणि कृती जाणून घेऊया.

साहित्य:

• काबुली चणे (भिजवलेले आणि उकडलेले) – १ कप
• लसूण – २ ते ३ पाकळ्या
• ताहिनी (तीळाची पेस्ट) – २ टेबलस्पून
• लिंबाचा रस – १ टेबलस्पून
• ऑलिव्ह ऑईल – २ टेबलस्पून
• मीठ – चवीनुसार
• थंड पाणी – २ ते ३ टेबलस्पून
• जिरे पूड (ऐच्छिक) – ½ टीस्पून

कृती:

• सर्वप्रथम काबुली चणे ८ ते १० तास पाण्यात भिजवा. नंतर त्यांना मऊ होईपर्यंत शिजवून घ्या आणि थंड होऊ द्या.
  मिक्सर जारमध्ये शिजवलेले हरभरे, लसूण, ताहिनी, लिंबाचा रस आणि ऑलिव्ह ऑईल घाला.
• त्यात मीठ आणि थोडं थंड पाणी घालून एकसारखी मऊ आणि क्रीमी पेस्ट तयार करा.
• जर मिश्रण खूप घट्ट वाटत असेल, तर थोडं पाणी घालून पुन्हा ब्लेंड करा.
• हमस एका वाडग्यात काढा आणि वरून थोडंसं ऑलिव्ह ऑईल आणि जिरे पूड शिंपडा.
• आता तुमचा हमस तयार आहे! तो तुम्ही फालाफल, पिटा ब्रेड, काकडीचे काप किंवा टोस्टेड ब्रेडसोबत सर्व्ह करू शकता.
• ताहिनी नसेल तर हलके भाजलेले तीळ आणि थोडं ऑलिव्ह ऑईल घालून मिक्सरमध्ये फिरवून ताहिनी पेस्ट तयार करता येते.
• हमस फ्रीजमध्ये ठेवला तर ३-४ दिवस चांगला टिकतो.
• वरून थोडा लाल तिखट किंवा पाप्रिका घातल्यास त्याला सुंदर रंग आणि स्वाद येतो.
• हमस हा एक असा पदार्थ आहे की जो टेस्ट आणि हेल्थ या दोन्ही गोष्टींचा उत्तम मिलाफ आहे.

Web Title: How to make market style hummus at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com