संध्याकाळच्या नाश्त्यासाठी बनवा लहान मुलांच्या आवडीचा Cheese White Sauce Pasta, नोट करून घ्या रेसिपी

संध्याकाळच्या वेळी भूक लागल्यानंतर नेमकं काय खावं? बऱ्याचदा सुचत नाही. अशावेळी तुम्ही सोप्या पद्धतीमध्ये लहान मुलांसाठी चीज व्हाईट सॉस पास्ता बनवू शकता. जाणून घ्या रेसिपी.

लहान मुलांपासून ते अगदी मोठ्यांपर्यंत सगळ्यांचं पास्ता खायला खूप जास्त आवडतो. बाहेर फिरायला गेल्यानंतर सगळ्यात आधी मुलांना पिझ्झा, फ्राईज आणि पास्त्याची आठवण येते. पण कायमच विकतचा पास्ता खाण्यापेक्षा घरी बनवलेला पास्ता खावा. बाजारात कायमच प्रक्रिया केलेले अन्नपदार्थ विकले जातात. या पदार्थांच्या सेवनामुळे आरोग्यासंबंधित गंभीर समस्या उद्भवण्याची शक्यता असते. त्यामुळे कायमच घरी बनवलेले पदार्थ खावेत. आज आम्ही तुम्हाला सोप्या पद्धतीमध्ये चीज व्हाईट सॉस पास्ता बनवण्याची सोपी रेसिपी सांगणार आहोत. पास्ता हा पदार्थ लहान मुलांच्या डब्यासाठी किंवा संध्याकाळच्या वेळी भूक लागल्यानंतर सुद्धा खाऊ शकता. पास्ता बनवताना त्यात वेगवेगळ्या पौष्टिक भाज्या टाकाव्यात. यामुळे पदार्थाची चव वाढते आणि लहान मुलांच्या शरीराला पोषण मिळते. बऱ्याचदा घरी पास्ता बनवल्यानंतर त्यात गुठळ्या होतात. चला तर जाणून घेऊया चीज व्हाईट सॉस पास्ता बनवण्याची सोपी रेसिपी. (फोटो सौजन्य – istock)

कुरकुरीत, चटाकेदार ‘मॅगी भेळ’ तुम्ही खाल्ली आहे का? संध्याकाळच्या नाश्त्याला बनवा आणि कुटुंबाला खाऊ घाला

साहित्य:

• पास्ता
• कांदा
• पाणी
• मीठ
• लसूण
• शिमला मिरची
• मक्याचे दाणे
• ब्रोकोली
• दूध
• रिफाइंड पीठ
• काळीमिरी पावडर
• चिली फ्लेक्स
• ओरेगॅनो
• चीज

कोबीची भाजी खायला आवडत नाही? मग सकाळच्या नाश्त्यात १० मिनिटांमध्ये बनवा झणझणीत कोबी पराठा, नोट करा रेसिपी

कृती:

• चीज व्हाईट सॉस पास्ता बनवण्यासाठी सर्वप्रथम, कढईमध्ये पाणी घेऊन त्यात चवीनुसार मीठ घालून पास्ता शिजण्यासाठी टाका.
• पास्ता शिजल्यानंतर पाण्यातून काढून चाळणीमध्ये ठेवा. त्यानंतर वरून थंड पाणी ओतून काहीवेळ तसाच ठेवा.
• कढईमध्ये बटर गरम करून त्यात बारीक चिरलेला लसूण घालून हलकासा भाजून घ्या. त्यानंतर त्यात तुमच्या आवडीनुसार सर्व भाज्या घालून मंद आचेवर ५ मिनिटं शिजवा.
• भाज्या शिजल्यानंतर त्यात काढून पुन्हा एकदा कढईमध्ये बटर घालून कॉनफ्लॉवर किंवा मैदा घालून मंद आचेवर भाजा.
• त्यानंतर त्यात आवश्यकतेनुसार दूध घालून व्यवस्थित मिक्स करा. त्यानंतर त्यात काळी मिरी पावडर, ओरेगॅनो, चिली फ्लेक्स आणि चवीनुसार मीठ घालून मिक्स करा.
• सॉस शिजल्यानंतर त्यात किसून घेतलेले चीज घालून मिक्स करा आणि शिजवून घेतलेल्या भाज्या आणि पास्ता घालून मंद आचेवर शिजवा.
• तयार आहे सोप्या पद्धतीमध्ये बनवलेला चीज व्हाईट सॉस पास्ता. हा पदार्थ घरातील लहान मुलांपासून अगदी मोठ्यांपर्यंत सगळ्यांचं खूप जास्त आवडेल.