मसालेदार चटपटीत नाश्ता हवा आहे! मग सोप्या पद्धतीमध्ये बनवा मिरची गार्लिक पराठा

सकाळच्या नाश्त्यामध्ये काय खावं सुचत नाही. अशावेळी तुम्ही मिरची गार्लिक पराठा बनवू शकता. हा पराठा बनवण्यासाठी जास्त वेळ लागत नाही. कमीत कमी वेळात आणि साहित्यामध्ये मिरची गार्लिक पराठा तयार होतो.

हिवाळ्याच्या दिवसांमध्ये नाश्त्यात सगळ्यांचं गरमागरम आणि मसालेदार पदार्थ खाण्याची इच्छा होते. घरामध्ये सतत पोहे, उपमा, शिरा खाऊन कंटाळा आल्यानंतर काहींना काही नवीन पदार्थ खावंसं वाटतं. अशावेळी तुम्ही सोप्या पद्धतीमध्ये मिरची गार्लिक पराठा बनवू शकता. पराठा हा पदार्थ सगळ्यांचं खूप आवडतो. पराठ्यामध्ये आलू पराठा, मेथी पराठा, कोबी पराठा किंवा मिक्स भाज्यांचा पराठा इत्यादी पद्धतीचे पराठे बनवले जातात. पण तुम्ही कधी मिरची गार्लिक पराठा बनवून पहिला आहे का?नसेल पहिला तर हा रेसिपी नक्की ट्राय करून पहा. लसूण आरोग्यासाठी अतिशय पौष्टिक आहे. लसूण खाल्यामुळे आरोग्यासंबंधित अनेक समस्यांपासून आराम मिळतो. शिवाय हा पराठा बनवण्यासाठी अतिशय सोपा आहे. कमीत कमी साहित्यामध्ये आणि कमीत कमी वेळात पराठा तयार होतो. चला तर जाणून घेऊया मिरची गार्लिक पराठा बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• लसूण
• मैदा
• आलं
• मीठ
• तेल
• कोथिंबीर
• लाल मिरच्या
• जिरे पावडर
• हळद
• गरम मसाला
• तूप

नवनवीन रेसिपीसाठी इथे क्लिक करा

कृती:

• मिरची गार्लिक पराठा बनवण्यासाठी सर्वप्रथम, भांड्यात बारीक चिरून घेतलेली लसूण, आल्याचे तुकडे, हिरवी मिरची, कोथिंबीर, लाल मिरची, जिरे पावडर, हळद, गरम मसाला आणि मीठ घालून व्यवस्थित मिक्स करून घ्या.
• मोठ्या भांड्यात मैदा घेऊन त्यात चवीनुसार मीठ टाकून मिक्स करा आणि आवश्यकतेनुसार पाणी घालून पीठ मळून घ्या.
• मळून घेतलेल्या पिठाचे छोटे छोटे गोळे करून त्यात तयार केलेले मिश्रण भरून गोळे व्यवस्थित बंद करून घ्या.
• तयार केलेल्या गोळ्यांचे पराठे लाटून तव्यावर शेकण्यासाठी ठेवा. दोन्ही बाजूने पराठा व्यवस्थित भाजल्यानंतर वरून तूप लावून सर्व्ह करा.
• तयार केलेला पराठा तुम्ही दही किंवा सॉस सोबत खाऊ शकता.