१५ मिनिटांमध्ये घरी बनवा अण्णाकडे मिळते तशी खमंग खोबऱ्याची चटणी, नोट करून घ्या साऊथ इंडियन पदार्थ

सकाळच्या नाश्त्यात डोसा बनवल्यावर खोबऱ्याची चटणी बनवली जाते.म्हणूनच आज आम्ही तुम्हाला साऊथ इंडियन स्टाईल खोबऱ्याची चटणी बनवण्याची सोपी रेसिपी सांगणार आहोत.

साऊथ इंडियन पदार्थ जगभरात सगळीकडे प्रसिद्ध आहेत. दक्षिण भारतीय पदार्थ सकाळच्या नाश्त्यात, जेवणात सुद्धा खाल्ले जातात. इडली, डोसा, सांबर इत्यादी अनेक पदार्थ घरात बनवले जातात. अनेक घरांमध्ये सकाळच्या नाश्त्यात साऊथ इंडियन पदार्थ अतिशय आवडीने खाल्ले जातात. पण बऱ्याचदा घरात चटणी बनवताना तिची चव खराब होऊन जाते. डोसा किंवा मेदुवड्यासोबत खोबऱ्याची चटणी खाल्ली जाते. याशिवाय खोबऱ्याची चटणी अनेक वेगवेगळ्या पदार्थांसोबत खाल्ली जाते. हॉटेलमध्ये मिळणारी चटणी घरी बनवता येत नाही. म्हणूनच आज आम्ही तुम्हाला अण्णाकडे मिळते तशी खोबऱ्याची चटणी बनवण्याची सोपी रेसिपी सांगणार आहोत. कमीत कमी साहित्यामध्ये खोबऱ्याची चटणी तयार होते. याशिवाय कुठेही बाहेर फिरायला जाताना किंवा घरातील कार्यक्रमांच्या वेळी तुम्ही चविष्ट खोबऱ्याची चटणी बनवू शकता. चला तर जाणून घेऊया खोबऱ्याची चटणी बनवण्याची सोपी रेसिपी.(फोटो सौजन्य – istock)

जेवणाची चव वाढवणारी, महाराष्ट्रीयन ताटाची ओळख… कोशिंबीरची सोपी रेसिपी

साहित्य:

• ओल्या खोबऱ्याचा किस
• हिरवी मिरची
• आलं
• लसूण
• हरभरा डाळ
• दही
• मीठ
• कढीपत्ता
• मोहरी
• लाल मिरची

मासेप्रेमींसाठी खास! सुगंधित आणि लज्जतदार चवीने भरलेली डिश; जाणून घ्या रेस्टॉरंट स्टाईल ‘बटर गार्लिक प्रॉन्स’ रेसिपी

कृती:

• खोबऱ्याची चटणी बनवण्यासाठी सर्वप्रथम, नारळ फोडून त्याच्या आतील खोबऱ्याचा किस किसून घ्या.
• मिक्सरच्या भांड्यात खोबऱ्याचा किस, भाजलेली डाळ, हिरव्या मिरच्या, आलं, लसूण घालून चटणी वाटून घ्या.
• त्यानंतर त्यात चवीनुसार मीठ, दही आणि पाणी घालून पुन्हा एकदा चटणी वाटून घ्या.
• चटणी तयार केल्यानंतर वाटीमध्ये काढून घ्या. फोडणीच्या भांड्यात तेल गरम करून त्यात मोहरी, कढीपत्ता आणि लाल मिरची
• घालून फोडणी भाजा आणि तयार केलेल्या चटणीवर ओतून मिक्स करा.
• तयार आहे सोप्या पद्धतीमध्ये बनवलेली खोबऱ्याची चटणी. डोसा, मेदुवडा किंवा इतर कोणत्याही पदार्थासोबत तुम्ही खोबऱ्याची चटणी खाऊ शकता.