लहान मुलांपासून मोठ्यांसह सगळ्यांचं आवडेल पदार्थ! सोप्या पद्धतीमध्ये बनवा खमंग नारळाच्या पुऱ्या

आज आम्ही तुम्हाला सोप्या पद्धतीमध्ये नारळाच्या खमंग कुरकुरीत पुऱ्या बनवण्याची सोपी रेसिपी सांगणार आहोत. हा पदार्थ घरातील सगळ्यांचं खूप जास्त आवडेल. जाणून घ्या रेसिपी.

सणावाराच्या दिवसांमध्ये घरात आवर्जून बनवला जाणारा पदार्थ म्हणजे पुरी. पुरी भाजी खायला सगळ्यांचं खूप जास्त आवडते. घरात पनीर, किंवा मटारची भाजी बनवल्यानंतर आवडीने पुरी बनवली जाते. जेवणाच्या ताटात चमचमीत पदार्थ असतील तर चार घास जास्त जातात. पण आज आम्ही तुम्हाला नारळाच्या सरणाच्या खमंग पुऱ्या बनवण्याची सोपी रेसिपी सांगणार आहोत. काहींना जेवल्यानंतर गोड पदार्थ खाण्यास हवे असतात. कायमच बाजारातील मिठाई आणि साखर टाकून बनवलेल्या पदार्थांचे सेवन करण्याऐवजी तुम्ही सोप्या पद्धतीमध्ये खमंग नारळाच्या पुऱ्या बनवू शकता. तुम्ही बनवलेला पदार्थ घरातील लहान मुलांपासून अगदी मोठ्यांपर्यंत सगळ्यांचं खूप जास्त आवडेल. चला तर जाणून घेऊया खमंग नारळाच्या पुऱ्या बनवण्याची सोपी रेसिपी.(फोटो सौजन्य: Pinterest)

दिवसाची सुरुवात होईल आंनदाने! ५ मिनिटांमध्ये घरीच बनवा परफेक्ट कॅपेचिनो कॉफी, नोट करून घ्या रेसिपी

साहित्य:

• मैदा
• मीठ
• साखर
• जिरा
• हिरवी मिरची
• नारळ
• सुका मेवा
• तूप
• गरम मसाला

इंडो चायनीज खायला फार आवडत? मग आजच घरी बनवा हॉटेल स्टाईल मंचुरियन ड्राय; लगेच नोट करा रेसिपी

कृती:

• नारळाच्या पुऱ्या बनवण्यासाठी सर्वप्रथम, मोठ्या ताटात मैदा घेऊन त्यात चवीनुसार मीठ टाका आणि मिक्स करा. त्यानंतर आवश्यकतेनुसार पाणी घालून मैदा मळून घ्या.
• कढईमध्ये तूप गरम करून त्यात जिरं, हिरव्या मिरचीचे बारीक तुकडे घालून मिक्स करा. त्यानंतर त्यात गरम मसाला आणि सुका मेवा टाकून मिक्स करून घ्या.
• तयार केलेल्या फोडणीमध्ये खोबऱ्याचा किस घालून व्यवस्थित मिक्स करा. खोबऱ्याच्या मिश्रणाला एक वाफ काढून घ्या. तयार केलेले मिश्रण थंड झाल्यानंतर त्यात चवीनुसार मीठ आणि साखर घालून व्यवस्थित मिक्स करा.
• मैद्याचे छोटे छोटे गोळे करून त्यात तयार केलेले मिश्रण भरून पुऱ्या लाटून घ्या आणि कढईमधील गरम तेलात पुरी दोन्ही बाजूने लाल होईपर्यंत तळून घ्या.
• तयार आहे सोप्या पद्धतीमध्ये बनवलेली खमंग नारळाची पुरी. हा पदार्थ घरातील सगळ्यांचं खूप जास्त आवडेल.