कोथिंबीरीचे देठ फेकून न देता सोप्या पद्धतीमध्ये बनवा चविष्ट कोथिंबीर चटणी, नोट करून घ्या रेसिपी

कोथिंबीर आणून स्वच्छ केल्यानंतर भाजीचे देठ काढून फेकून दिले जाते. मात्र हे देठ फेकून न देता सोप्या पद्धतीमध्ये तुम्ही कोथिंबिरीच्या देठांचा वापर करून चटणी बनवू शकता. जाणून घ्या रेसिपी.

जेवणातील सर्वच पदार्थ बनवताना कोथिंबीरीचा वापर केला जातो. कोथिंबीर जेवणात टाकल्यानंतर पदार्थाची चव अतिशय सुंदर आणि चवदार लागते. भाजी, डाळ, पुलाव किंवा इतर कोणतेही पदार्थ बनवताना कोथिंबीरीची वापर केला जातो.२ दिवस लागणारी कोथिंबीर बाजारातून आणल्यानंतर स्वच्छ करून ठेवली जाते. कोथिंबीर स्वच्छ करताना फक्त कोथिंबिरीची पाने घेतली जातात आणि देठ फेकून दिले जातात. म्हणूनच आज आम्ही तुम्हाला कोथिंबीरीचे देठ फेकून न देता या देठांपासून चटणी बनवण्याची सोपी रेसिपी सांगणार आहोत. कोथिंबिरीच्या पानांसोबतच कोथिंबीरीचे देठ आरोग्यासाठी अतिशय गुणकारी आहेत. कोथिंबिरीच्या देठांची चटणी तुम्ही कोणत्याही पदार्थांसोबत किंवा जेवणात तोंडी लावण्यासाठी सुद्धा खाऊ शकता. चला तर जाणून घेऊया कोथिंबिरीच्या देठाची चविष्ट चटणी बनवण्याची सोपी रेसिपी.(फोटो सौजन्य – iStock)

चहासोबत खाण्यासाठी बनवा स्पेशल पदार्थ! झटापट घरीच बनवा खमंग खुसखुशीत आंब्याचे घारगे, १० दिवस राहतील टिकून

साहित्य:

• कोथिंबीरीचे देठ
• खोबरं
• हिरव्या मिरच्या
• लसूण
• आलं
• लिंबाचा रस
• जिरं
• मीठ

सकाळच्या नाश्त्यात लहान मुलांसाठी बनवा पौष्टिक उकड्या तांदळाची पेज, आरोग्यासाठी ठरेल अतिशय प्रभावी

कृती:

• कोथिंबिरीच्या देठाची चटणी बनवण्यासाठी सर्वप्रथम, कोथिंबीर स्वच्छ करून त्यांचे कोवळे देठ बाजूला काढून घ्या.
• त्यानंतर मिक्सरच्या भांडयात कोथिंबीरीचे देठ, हिरवी मिरची, लसूण पाकळ्या, खोबर आणि जिरं घालून बारीक पेस्ट तयार करा.
• नंतर त्यात थोडीशी कोथिंबीर आणि पाणी घालून पुन्हा एकदा पेस्ट बारीक वाटा.
• वाटीमध्ये तयार केलेली चटणी घेऊन त्यात चवीनुसार मीठ आणि लिंबाचा रस घालून मिक्स करा.
• तयार आहे सोप्या पद्धतीमध्ये बनवलेली कोथिंबीरीच्या देठाची चटणी.