मक्याच्या दाण्यांचा वापर करून नाश्त्यासाठी झटपट बनवा ‘कॉर्न-रवा बॉल्स’, नोट करून घ्या रेसिपी

मक्याचे दाणे खायला सगळ्यांचं खूप जास्त आवडतात. बारीक दाण्यांपासून अनेक नवनवीन पदार्थ बनवले जातात. चला तर जाणून घेऊया कॉर्न रवा बॉल्स बनवण्याची सोपी रेसिपी.

पावसाळ्याच्या दिवसांमध्ये बाजारात मोठ्या प्रमाणावर मक्याची कणीस उपलब्ध असतात. लहान मुलांपासून ते अगदी मोठ्यांपर्यंत सगळ्यांचं शिजवलेलं किंवा भाजलेलं मक्याचं कणीस खायला खूप जास्त आवडते. मका चवीला काहीसा गोड लागतो. त्यामुळे अनेक लोक मक्याचे सेवन करणे टाळतात. पण यामुळे शरीराला योग्य पोषण मिळत नाही. शरीरात विटामिनची कमतरता निर्माण झाल्यानंतर आरोग्यासंबंधित अनेक समस्या उद्भवू लागतात. म्हणूनच आज आम्ही तुम्हाला सोप्या पद्धतीमध्ये कॉर्न रवा बॉल्स बनवण्याची सोपी रेसिपी सांगणार आहोत. हा पदार्थ तुम्ही घरी आलेल्या पाहुण्यांसाठी किंवा सकाळच्या नाश्त्यासाठी बनवू शकता. कमीत कमी साहित्यात झटपट कोणताही पदार्थ बनवायचा असल्यास तुम्ही कॉर्न-रवा बॉल्स बनवू शकता. चला तर जाणून घेऊया कॉर्न-रवा बॉल्स बनवण्याची सोपी रेसिपी.(फोटो सौजन्य – pintrest)

Traditional Recipe: दीप अमावस्येनिमित्त घरी बनवा गोड बाजरीचे दिवे, नोट करून घ्या झटपट तयार होणारा पदार्थ

साहित्य:

• मक्याचे दाणे
• रवा
• मीठ
• कांदा
• आलं लसूण पेस्ट
• हिरवी मिरची
• कोथिंबीर
• लाल तिखट
• जिऱ्याची पावडर
• तेल

नेहमीच भाजी काय बनवावी सुचत नाही? मग झटपट बनवा डाळिंब्यांची उसळ, श्रावणातील पारंपरिक रेसिपी

कृती:

• कॉर्न रवा बॉल्स बनवण्यासाठी सर्वप्रथम, कढईमध्ये तेल गरम करून घ्या. गरम तेलात जिरं आणि बारीक चिरून घेतलेला कांदा टाकून व्यवस्थित लाल होईपर्यंत भाजा.
• नंतर त्यात आलं लसूण पेस्ट आणि चवीनुसार मीठ घालून व्यवस्थित मिक्स करा. त्यानंतर त्यात अर्धा कप पाणी घालून व्यवस्थित पाण्याला उकळी काढा.
• पाण्याला उकळी आल्यानंतर त्यात अर्धा वाटी रवा घालून सतत चमच्याने मिक्स करत राहा. यामुळे रव्यात गुठळ्या राहणार नाहीत.
• त्यानंतर तयार केलेले मिश्रण थंड झाल्यानंतर ताटात काढून त्यात मक्याच्या दाण्यांची पेस्ट, लाल तिखट, हळद आणि आमचूर पावडर घालून मिक्स करा.
• व्यवस्थित पीठ हाताने मळून घ्या. यामुळे पिठामध्ये अजिबात गुठळ्या राहणार नाहीत.रव्याचे मिश्रणाचे छोटे छोटे गोळे करून घ्या.
• कढईमधील गरम तेलात रव्याचे तयार केलेले गोळे टाकून व्यवस्थित लाल होईपर्यंत तळून घ्या.
• तयार आहेत सोप्या पद्धतीमध्ये बनवलेले कॉर्न रवा बॉल्स.