Traditional Recipe: दीप अमावस्येनिमित्त घरी बनवा गोड बाजरीचे दिवे, नोट करून घ्या झटपट तयार होणारा पदार्थ

राज्याच्या वेगवेगळ्या भागांमध्ये दीप अमावस्या साजरा केली जाते. यादिवशी बाजरीचे दिवे बनवले जातात. म्हणूनच आज आम्ही तुम्हाला सोप्या पद्धतीमध्ये बाजरीचे गोड दिवे बनवण्याची सोपी रेसिपी सांगणार आहोत.

दीप अमावस्येनिमित्त घरी बनवा गोड बाजरीचे दिवे

Follow Us:

Follow Us:

आषाढ महिन्याच्या शेवटच्या दिवशी दिप अमावस्या असते. दिप अमावस्येनंतर श्रावण महिन्याला सुरुवात होते. संपूर्ण राज्यभरात दीप अमावस्या साजरा केली जाते. घरातील दिवे स्वच्छ घासून पुसून दिव्यांची पूजा केली जाते. संपूर्ण राज्यभरात वेगवेगळ्या पद्धतीने दीप अमावस्या साजरी केली जाते.प्रत्येक घरात वेगवेगळ्या पिठांचा वापर करून दिवे तयार केले जातात. त्यामध्ये बाजरीच्या पिठाचे दिवे बनवण्याची परंपरा मागील अनेक वर्षांपूर्वीची आहे. बाजरीच्या पिठाचा वापर करून खमंग गोड दिवे तयार केले जातात. हे दिवे बनवण्यासाठी सुद्धा अतिशय सोपे आहे. योग्य पद्धतीचा वापर करून बनवलेले दिवे लवकर तुटत नाहीत. तसेच दिवे तयार करताना किंवा वाफवताना जास्त काळजी घ्यावी. चला तर जाणून घेऊया बाजरीचे दिवे बनवण्याची सोपी रेसिपी.(फोटो सौजन्य – सोशल मीडिया)

१० मिनिटांमध्ये झटपट बनवा चविष्ट लाल भोपळ्याचे भरीत, पावसाळ्यात पचनासाठी ठरेल अतिशय हलका पदार्थ

साहित्य:

• बाजरीचे पीठ
• गूळ
• जायफळ पावडर
• तूप
• दूध
• पाणी

Nagpanchami 2025 : पारंपरिक मिठाईने होईल सण साजरा; घरी बनवा गोडसर ‘पुरणाचे दिंड’

कृती:

• बाजरीचे दिवे बनवण्यासाठी सर्वप्रथम, मोठ्या ताटामध्ये चाळून घेतलेले बाजरीचे पीठ घ्या. त्यानंतर त्यात वाटीभर किसलेले गूळ टाकून मिक्स करा.
• दिवे तयार करताना प्रामुख्याने बारीक केलेल्या गुळाचा वापर करावा. त्यानंतर त्यात थोडस दूध घालून मिक्स करून घ्या.
• तयार केलेल्या मिश्रणात जायफळ पावडर घालून मिक्स करा. दूध आणि गूळ एकत्र व्यवस्थित मिक्स करून घ्या.
• गूळ व्यवस्थित मिक्स झाल्यानंतर पीठ मळून घ्या. बाजरीचे पीठ मळताना त्यात जास्त पाणी घालू नये.
• पीठ मळून झाल्यानंतर छोटे छोटे गोळे करून मध्यम आकाराचे दिवे तयार करा. तयार करून घेतलेले दिवे इडली पात्रात किंवा मोठ्या चाळीणीमध्ये वाफवण्यासाठी ठेवावे.
• १५ मिनिटं झाल्यानंतर गॅस बंद करून तयार केलेले दिवे काढून घ्या. त्यानंतर दिवे काढून त्यात तूप टाका आणि सर्व्ह करा.
• तयार आहेत सोप्या पद्धतीमध्ये बनवलेले बाजरीच्या पिठाचे दिवे.

Web Title: How to make bajriche goda dive at home simple food recipe traditional food

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com