तोंडात टाकताच विरघळेल! दुधाचा वापर करून बनवा रिच आणि क्रीमी केशर पिस्ता मिल्क केक, नोट करा रेसिपी

आज आम्ही तुम्हाला सोप्या पद्धतीमध्ये केशर पिस्ता मिल्क केक बनवण्याची रेसिपी सांगणार आहोत. हा पदार्थ घरातील सगळ्यांचं खूप जास्त आवडेल. चला तर जाणून घेऊया रेसिपी.

श्रावण महिन्याला सुरुवात झाल्यानंतर सणवार सुद्धा चालू होतात. सणांच्या दिवशी घरात गोड पदार्थ आवर्जून बनवले जातात. गुलाबजाम, बासुंदी, शेवयांची खीर इत्यादी ठराविक पदार्थ कायमच बनवले जातात. पण नेहमीच तेच ठराविक पदार्थ खाऊन कंटाळा आल्यानंतर काहींना काही नवीन खाण्याची इच्छा झाल्यास मिल्क केक बनवू शकता. हा पदार्थ कमीत कमी साहित्यात झटपट तयार होतो. लवकरच रक्षाबंधन सण येणार आहे. सणावाराच्या दिवसांमध्ये बाजारातील गोड पदार्थांमध्ये मोठ्या प्रमाणावर भेसळ केली जाते. भेसळ युक्त पदार्थ खाण्याऐवजी घरी बनवलेले टेस्टी आणि स्वच्छ ठिकाणी बनवलेले पदार्थ खावेत. दुधापासून बनवलेली मिठाई दोन दिवस व्यवस्थित टिकून राहते. त्यामुळे गोड पदार्थ खाण्याची इच्छा झाल्यास मिल्क केक बनवू शकता. चला तर जाणून घेऊया रेसिपी.(फोटो सौजन्य – AI)

नारळी पौर्णिमेनिमित्त आगरी पद्धतीने बनवा खमंग चविष्ट नारळी भात, पदार्थ खाल्ल्यानंतर सगळेच करतील गोड कौतुक

साहित्य:

• दूध
• मिल्क पावडर
• केशर काड्या
• साखर
• तूप
• वेलची पावडर
• सुका मेवा

Shravan Somvar : श्रावणी सोमवारासाठी खास, भगवान शंकराला पूजेत अर्पण करण्यासाठी बनवा ‘बेसनाची बर्फी’

कृती:

• मिल्क केक बनवण्यासाठी सर्वप्रथम, वाटीमध्ये दूध घेऊन त्यात केशर काड्या घालून मिक्स करा आणि काहीवेळ भिजत ठेवा.
• कढईमध्ये दूध ओतून उकळी आल्यानंतर मंद आचेवर ठेवा आणि चमच्याने सतत ढवळत राहा. यामुळे दूध कढईला चिकटणार नाही.
• त्यानंतर घट्टसर झालेल्या दुधात मिल्क पावडर मिक्स करून घ्या. त्यानंतर त्यात केशराचे दूध आणि साखर घालून व्यवस्थित मिक्स करा.
• तयार केलेले मिश्रण घट्टसर झाल्यानंतर एक चमचा तूप आणि वेलची पावडर घालून व्यवस्थित मिक्स करा.
• डब्याला तूप लावून त्यात तयार केलेले मिश्रण ओतून एकसमान सेट करून घ्या. त्यानंतर १ ते २ तास केक सेट होण्यासाठी ठेवा.
• तयार केलेले केकवर सजावटीसाठी सुका मेवा आणि सुकलेल्या गुलाब पाकळ्या घालून तुम्हाला हव्या त्या आकारात कापून घ्या.
• तयार आहे सोप्या पद्धतीमध्ये बनवलेला पिस्ता मिल्क केक.