उन्हाळ्यात थंडगार काकडीपासून सोप्या पद्धतीमध्ये बनवा चविष्ट काकडीची भाजी, उपवासालाही चालेलं भाजी

काकडीपासून तुम्ही भाजीसुद्धा बनवू शकता. उपवासाच्या दिवशी किंवा इतर वेळी काकडीची भाजी बनवणे अतिशय सोपे आहे. काकडी खाणे आरोग्यासाठी अतिशय पौष्टिक आहे. चला तर जाणून घेऊया काकडीची भाजी बनवण्याची सोपी रेसिपी.

उन्हाळ्याच्या दिवसांमध्ये बाजारात मोठ्या प्रमाणावर काकडी उपलब्ध असते. काकडीचे सेवन केल्यामुळे शरीर हायड्रेट राहते आणि शरीरातील पाण्याची पातळी संतुलित राहते. याशिवाय काकडीमध्ये पाण्याचे प्रमाण जास्त असते. त्यामुळे दैनंदिन आहारात काकडीचे नियमित सेवन करावे. काकडीपासून कोशिंबीर किंवा मसाला काकडी बनवून खाल्ली जाते. मात्र आज आम्ही तुम्हाला काकडीची भाजी कशी बनवावी? याची सोपी रेसिपी सांगणार आहोत. काकडीचा वापर करून भाजी बनवली जाते हे तुम्ही कधी ऐकले आहे? काकडीचा वापर करून चविष्ट भाजी बनवली जाते. काकडी आरोग्याच्या दृष्टीने अतिशय पौष्टिक आहे. काकडीमध्ये असलेले गुणधर्म आरोग्यासाठी अतिशय फायदेशीर ठरतात. काकडीपासून अनेक वेगवेगळे पदार्थ बनवले जातात. काकडीचे घावणे, काकडीचे सांदण, काकडीची कोशिंबीर इत्यादी पदार्थ बनवले जातात. चला तर जाणून घेऊया काकडीची भाजी बनवण्याची सोपी रेसिपी.(फोटो सौजन्य – iStock)

इडली खायची इच्छा झाली आहे? मग सोप्या पद्धतीमध्ये बनवा घरी बनवा मऊसूत खोबरं पोह्यांची इडली

साहित्य:

• काकडी
• हिरवी मिरची
• तूप
• जिरं
• शेंगदाण्याचा कूट
• मीठ
• ओलं खोबरं

बेसन, रवा नाही तर यावेळी बाजरीच्या पिठापासून बनवा पौष्टीक आणि चवदार चिला; चवीसोबतच आरोग्याचीही काळजी

कृती:

• काकडीची भाजी बनवण्यासाठी सर्वप्रथम, काकडी स्वच्छ धुवून साल काढून घ्या. त्यानंतर काकडीचे बारीक तुकडे करा.
• कढई गरम करून त्यात तूप टाका. नंतर त्यात जिरं, हिरवी मिरची टाकून भाजून घ्या. त्यानंतर त्यात काकडीचे बारीक करून घेतलेले तुकडे टाकून मिक्स करा.
• एक वाफ आल्यानंतर काकडीच्या भाजीमध्ये शेंगदाण्याचा कूट, ओलं खोबर, चवीनुसार मीठ आणि थोडीशी साखर टाकून मिक्स करून घ्या.
• तयार आहे सोप्या पद्धतीमध्ये बनवलेली काकडीची भाजी. ही भाजी चवीला अतिशय सुंदर लागते. याशिवाय उपवासाच्या दिवशी तुम्ही हा पदार्थ खाऊ शकता.