सकाळच्या नाश्त्यात कोकणातील पारंपरिक पद्धतीमध्ये बनवा काकडीची भाकरी, उद्भवणार नाही पचनाची समस्या

सकाळच्या नाश्त्यात नेहमीच काय खावं असा प्रश्न सगळ्यांचं पडतो. अशावेळी तुम्ही सोप्या पद्धतीमध्ये काकडीची भाकरी बनवू शकता. चला तर जाणून घेऊया काकडीची भाकरी बनवण्याची सोपी रेसिपी.

सकाळी उठल्यानंतर नाश्त्यात नेहमी कांदापोहे, उपमा, शिरा किंवा इडली डोसा खाऊन कंटाळा आल्यानंतर काहींना काहीं नवीन आणि चविष्ट पदार्थ खाण्याची इच्छा सगळ्यांचं होते. नाश्त्यात नेहमी पचनास हलके आणि पौष्टिक पदार्थ खावे. ज्यामुळे पोट दीर्घकाळ भरलेले राहील आणि लवकर भूक लागणार नाही. बऱ्याचदा घरात कोकणातील पारंपरिक पद्धतीने घावणे बनवले जातात. लहान मुलांपासून अगदी मोठ्यांपर्यंत सगळ्यांचं घावणे खायला खूप आवडतात. तांदळाच्या पिठापासून बनवलेला पदार्थ पचनास अतिशय हलका असतो. म्हणूनच आज आम्ही सकाळच्या नाश्त्यासाठी झटपट काकडीची भाकरी बनवण्याची सोपी रेसिपी सांगणार आहोत. याला तौशाची भाकरी असे सुद्धा बोलले जाते. चला तर जाणून घेऊया काकडीची भाकरी बनवण्याची सोपी रेसिपी.(फोटो सौजन्य – iStock)

शरीर ताजेतवाने आणि फ्रेश ठेवण्यासाठी घरी बनवा थंडगार लिची सरबत, लहान मुलांसह मोठ्यांनाही आवडेल

साहित्य:

• काकडी
• तांदळाचे पीठ
• ओल खोबर
• रवा
• गूळ
• वेलची पावडर
• हिरवी मिरची
• कढीपत्ता
• आल्याचा तुकडा

मैदा न खाता शिल्लक राहिलेल्या शिळ्या चपात्यांपासून सकाळच्या नाश्त्यासाठी झटपट बनवा दाबेली रॅप, नोट करून घ्या रेसिपी

कृती:

• काकडीची भाकरी बनवण्यासाठी सर्वप्रथम, काकडी स्वच्छ धुवून किसणीच्या सहाय्याने बारीक किसून घ्या.
• त्यानंतर त्यात आले, कोथिंबीर, गुळाचा पावडर, खोबरे रवा, मीठ इत्यादी सर्व साहित्य घालून व्यवस्थित मिक्स करा. गूळ पूर्णपणे वितळल्यानंतर इतर पदार्थ त्यात मिक्स करावे.
• त्यानंतर त्यात तांदळाचे पीठ घालून मिश्रण व्यवस्थित मिक्स करा. तयार करून घेतलेले पीठ 30  मिनिटं बाजूला ठेवून घ्या.
• त्यानंतर तयार केलेल्या पिठाचे छोटे छोटे गोळे करून पाण्यावर थापून घ्या आणि मंद आचेवर भाकरी व्यवस्थित कुरकुरीत भाजा.
• तयार आहे सोप्या पद्धतीमध्ये बनवलेली काकडीची भाकरी. हा पदार्थ तुम्ही दह्यासोबत खाऊ शकता.