कडाक्याच्या उन्हाळ्यात ५ मिनिटांमध्ये बनवा जिरं कोकमाची आंबटगोड कढी, पित्ताचा त्रास कमी होण्यासोबतच पोटात राहील थंडावा

वाढत्या उष्णतेपासून शरीराचा बचाव करण्यासाठी जिरं कोकमाची कढी बनवून प्यावी. यामुळे शरीराला भरमसाट फायदे होतात आणि आरोग्य सुधारण्यास मदत होते.

उन्हाळा ऋतूला सुरुवात झाल्यानंतर शरीराला आरामदायी ठरणाऱ्या पदार्थांचे सेवन करावे. कारण वाढत्या उष्णतेमुळे शरीरात पित्त, ऍसिडिटी वाढून आरोग्य बिघडते. अशावेळी सहज पचन होणाऱ्या पदार्थांचा आहारात समावेश करावा. शरीरात वाढलेली उष्णता कमी करण्यासाठी जळजळ कमी करण्यासाठी कायमच ताक किंवा दही खाल्ले जाते. पण नेहमीच तेच ठराविक पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा झाल्यास झटपट तुम्ही जिरं कोकमाची कढी बनवू शकता. पित्ताच्या त्रासापासून नैसर्गिक पद्धतीने सुटका मिळवण्यासाठी कोकम आणि आंबट चिंचेचे सेवन करावे. कोकम आणि जिरं पचनासाठी लाभदायक मानले जाते. जिरं खाल्ल्यामुळे शरीराची पचनक्रिया सुधारते तर कोकम रस प्यायल्यामुळे शरीराला थंडावा मिळतो. कोकम जिऱ्याची कढी जेवणानंतर प्यायल्यास खाल्लेले अन्नपदार्थ व्यवस्थित पचन होतात. पचनक्रिया सुधारण्यासाठी आणि उन्हाळ्यात उष्णतेपासून शरीराचे रक्षण करण्यासाठी जिरं कोकमाची कढी प्यावी. चला तर जाणून घेऊया रेसिपी.(फोटो सौजन्य – pinterest)

सकाळच्या नाश्त्यात करा थंडगार पदार्थ! सोप्या पद्धतीने झटपट घरी बनवा दही पोहे, नोट करून घ्या रेसिपी

साहित्य:

• आंबट कोकम आगळ
• जिरं
• तेल
• पाणी
• कोथिंबीर
• साखर
• हिंग

वजन होईल झपाट्याने कमी! सकाळच्या नाश्त्यात बनवा शेवग्याच्या पानांचे धिरडे, पौष्टिक पदार्थाने करा दिवसाची सुरुवात

कृती:

• जिरं कोकमाची कढी बनवण्यासाठी सर्वप्रथम, मोठ्या वाटीमध्ये अर्धा वाटी आंबट कोकम आगळ घेऊन त्यात गरजेनुसार पाणी घालावे.
• तुमच्याकडे कोकम आगळ उपलब्ध नसल्यास कोकमचे ५ किंवा ६ तुकडे भांड्यात घेऊन त्यात गरम पाणी घाला. त्यानंतर कोकम काहीवेळ पाण्यात ठेवा आणि नंतर त्यातील रस काढून घ्या.
• कोकमाच्या रसात चवीनुसार साखर आणि मीठ घालून व्यवस्थित मिक्स करा. साखर आणि पूर्णपणे विरघळल्यानंतर त्यात बारीक चिरलेली कोथिंबीर घालून मिक्स करा.
• फोडणीच्या वाटीमध्ये तेल गरम करून त्यात जिरं आणि हिंग घालून फोडणी व्यवस्थित भाजा आणि तयार केलेल्या मिश्रणात ओतून मिक्स करा.
• तयार आहे सोप्या पद्धतीमध्ये बनवलेली आंबट गोड जिरं कोकमाची कढी.