उपवासाच्या ताटाची वाढेल भन्नाट चव! दुपारच्या जेवणासाठी झटपट बनवा पौष्टिक दही बटाटा, नोट करा रेसिपी

उपवासाच्या दिवशी प्रत्येक घरात कायमच साबुदाणा खिचडी बनवली जाते. पण उपाशी पोटी साबुदाणा खाल्ल्यामुळे अपचनाचा त्रास वाढतो. त्यामुळे नाश्त्यात किंवा दुपारच्या जेवणात दही बटाटा बनवून खावा. यामुळे पोट सुद्धा भरलेले राहील.

श्रावण महिन्याला सुरुवात झाल्यानंतर सर्वच महिला उपवास करतात. उपवासाच्या दिवशी घरात साबुदाणा खिचडी, वडा, भगर किंवा इतर पदार्थ खाल्ले जातात. पण उपाशी पोटी साबुदाणा खाल्ल्यामुळे अपचनाचा त्रास मोठ्या प्रमाणावर वाढतो आणि आरोग्य बिघडण्याची शक्यता असते. त्यामुळे उपवास केल्यानंतर आहारात साबुदाणे अजिबात खाऊ नये. म्हणूनच आज आम्ही तुम्हाला सोप्या पद्धतीमध्ये दही बटाटा बनवण्याची रेसिपी सांगणार आहोत. या पद्धतीने बनवलेला दही बटाटा चवीला अतिशय सुंदर लागतो. दही खाल्ल्यामुळे शरीरात थंडावा टिकून राहतो आणि बटाटा खाल्ल्यामुळे पोट भरते, लवकर खाण्याची इच्छा होत नाही. उपवास केल्यानंतर नाश्त्यात किंवा दुपारच्या जेवणात कोणतेही तेलकट पदार्थ खाऊ नये. चिप्स किंवा बटाट्याचे पापड खाल्ल्यामुळे ऍसिडिटी वाढते. त्यामुळे दही बटाटा खाणे फायदेशीर ठरेल. चला तर जाणून घेऊया रेसिपी.(फोटो सौजन्य – AI)

१५ मिनिटांमध्ये श्रावण सोमवारच्या नैवैद्यासाठी पारंपरिक पद्धतीने बनवा गव्हाची खीर, नोट करून घ्या रेसिपी

साहित्य:

• बटाटा
• दही
• हिरवी मिरची
• शेंगदाण्याचा कूट
• तूप
• काळ मीठ
• साखर
• कोथिंबीर

श्रावण महिन्यातील सणांसाठी परफेक्ट गोड पदार्थ! १० मिनिटांमध्ये झटपट बनवा ओल्या खोबऱ्याची दाटसर खीर, नोट करा रेसिपी

कृती:

• दही बटाटा बनवण्यासाठी सर्वप्रथम, कुकरच्या भांड्यात स्वच्छ धुतलेले बटाटे, गरजेनुसार पाणी आणि मीठ टाकून कुकरच्या ३ शिट्या काढा.
• शिजवलेले बटाटे थंड झाल्यानंतर साल काढून मध्यम आकारात तुकडे करा. बटाटे जास्त बारीक कापू नये.
• कढईमध्ये तूप गरम करून घ्या. गरम तुपात जिरं आणि हिरवी मिरची भाजून घ्या. त्यानंतर त्यात शिजवलेले बटाटे घालून व्यवस्थित मिक्स करा.
• बटाटा छान सोनेरी झाल्यानंतर भाजलेल्या शेंगदाण्याचा कूट, सेंधव मीठ आणि साखर घालून मंद आचेवर काहीवेळ तसेच ठेवा.
• त्यानंतर गॅस बंद करून बटाटा हलकासा थंड करा आणि फेटून घेतलेले दही घालून व्यवस्थित मिक्स करा.
• त्यानंतर गॅस चालू करून एक वाफ काढून घ्या. तयार केलेल्या मिश्रणात कोथिंबीर टाकून व्यवस्थित मिक्स करा.
• तयार आहे सोप्या पद्धतीमध्ये बनवलेला उपवासासाठी दही बटाटा.