Pitru Paksh 2026: पितृपक्षातील पूर्वजांच्या नैवेद्यासाठी पारंपरिक पद्धतीने बनवा चविष्ट तांदळाची खीर, नोट करून घ्या रेसिपी

Pitru Paksh 2026: आज आम्ही तुम्हाला पितृपक्षातील नैवेद्यासाठी तांदळाची खीर बनवण्याची रेसिपी सांगणार आहोत. या पद्धतीने बनवलेली खीर घट्टसर आणि चवीला अतिशय टेस्टी लागते. चला तर जाणून घेऊया रेसिपी.

Pitru Paksh 2026: २६ सप्टेंबरपासून पितृपक्षाला सुरुवात झाली आहे. या दिवसांमध्ये पितरांचे श्रद्ध केले जाते आणि नैवेद्यासाठी घरात वेगवेगळे पदार्थ सुद्धा बनवले जातात.श्राद्धाच्या दिवशी घरात वेगवेगळे गोडाचे पदार्थ बनवले जातात. त्यातील आवर्जून बनवला जाणारा पदार्थ म्हणजे तांदळाची खीर. तांदळाची खीर सणावाराच्या दिवसांमध्ये बनवली जाते. पण बऱ्याचदा खीर बनवताना ती खूप जास्त पातळ होऊन जाते. त्यामुळे या पारंपरिक पद्धतीमध्ये खीर बनवल्यास चवीला अतिशय सुंदर लागेल. बासमती किंवा गावठी तांदूळ, वेलची पावडर आणि दुधाचा वापर करून बनवलेला पदार्थ चवीला अतिशय सुंदर लागतो.पितृपक्षातील पूर्वजांच्या नैवेद्यात विविध पदार्थ बनवले जातात. चला तर जाणून घेऊया पारंपरिक पद्धतीमध्ये तांदळाची खीर बनवण्याची सोपी रेसिपी.(फोटो सौजन्य – istock)

Tomato Rasam: दुपारच्या जेवणासाठी करा आंबट तिखट टोमॅटो रस्सम, घरातील प्रत्येक व्यक्ती आवडीने खाईल पदार्थ

साहित्य:

• तांदूळ
• दूध
• वेलची पावडर
• बदाम
• काजू
• ओल्या खोबऱ्याचा किस
• जायफळ पावडर
• साखर
• पाणी
• तूप

Tawa Pulao Recipe: सिक्रेट मसाल्याचा वापर करून घरी सोप्या पद्धतीमध्ये बनवा स्ट्रीट स्टाईल तवा पुलाव, सगळेच खातील आवडीने

कृती:

• तांदळाची खीर बनवण्यासाठी सर्वप्रथम, कढईमध्ये अर्धा वाटीभर तांदूळ भाजून घ्या. भाजलेले तांदूळ पाण्यात टाकून काहीवेळ भिजत ठेवा.
• दुसऱ्या कढईमध्ये १ लिटर दूध गरम करा. दुधाला चांगली उकळी आल्यानंतर त्यात भिजवलेले तांदूळ घालून शिजवून घ्या.
• भात पूर्णपणे मऊ शिजल्यानंतर चमच्याने मॅश करा. यामुळे खीर घट्ट होईल. त्यानंतर तुमच्या आवडीनुसार साखर घालून मिक्स करा.
• साखर पूर्णपणे भातामध्ये मिक्स झाल्यानंतर त्यात वेलची पावडर, ओल्या खोबऱ्याचा बारीक करून घेतलेला किस आणि जायफळ पावडर घालून व्यवस्थित मिक्स करा.
• सगळ्यात शेवटी तुपात भाजलेले बदाम आणि काजू घालून मिक्स करा. आवश्यकता वाटल्यास खीरमध्ये तुम्ही दूध घालू शकता. वरून दोन चमचे तूप घालून खीर मिक्स करा.
• तयार आहे पारंपरिक पद्धतीने बनवलेली चविष्ट तांदळाची खीर. श्रद्धाच्या नैवेद्यात तांदळाची खीर आवर्जून बनवली जाते.