१० मिनिटांमध्ये जेवणात तोंडी लावण्यासाठी झटपट बनवा कढीपत्त्याच्या पानांची चविष्ट चटणी, केसांनाही होतील फायदे

कढीपत्ता खाणे आरोग्यासाठी अतिशय फायदेशीर आहे. यामध्ये असलेले गुणधर्म केसांच्या वाढीसाठी अतिशय प्रभावी ठरतात. आज आम्ही तुम्हाला कढीपत्त्याची चटणी बनवण्याची रेसिपी सांगणार आहोत.

जेवणात तोंडी लावण्यासाठी नेहमीच काहींना काही पदार्थ बनवले जातात. कधी पापड तर कधी लोणचं, चटणी इत्यादी अनेक पदार्थ बनवले जातात. मात्र नेहमीच तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही कढीपत्त्याची चविष्ट चटणी बनवू शकता. कढीपत्ता खाणे आरोग्यासाठी अतिशय फायदेशीर आहे. जेवणात डाळ, भाजी किंवा इतर पदार्थ बनवताना कढीपत्त्याचा वापर केला जातो. यामुळे जेवणाची चव वाढते. याशिवाय कढीपत्त्याच्या सुगंधामुळे जेवणाची चव आणखीनच वाढते. लहान मुलांना कढीपत्त्याची पाने खायला आवडत नाहीत. अशावेळी तुम्ही मुलांना कढीपत्त्याची चटणी बनवून देऊ शकता. कढीपत्त्याची चटणी तुम्ही भाकरी, चपाती किंवा जेवणात डाळ भातासोबत सुद्धा खाऊ शकता. चला तर जाणून घेऊया कढीपत्त्याची चटणी बनवण्याची सोपी रेसिपी.(फोटो सौजन्य – pinterest)

पालकची भाजी खायला आवडत नाही? मग सोप्या पद्धतीमध्ये लहान मुलांच्या डब्यासाठी बनवा पालक चीज कॉर्न टोस्ट

साहित्य:

• कढीपत्त्याची पाने
• मीठ
• तेल
• शेंगदाणे
• लसूण पाकळ्या
• जिरं
• लाल मिरच्या
• सुकं खोबर
• आमचूर पावडर

संध्याकाळच्या नाश्त्यासाठी १० मिनिटांमध्ये बनवा हेल्दी टेस्टी sprouts chat, वजन राहील कायमच नियंत्रणात

कृती:

• कढीपत्त्याची चटणी बनवण्यासाठी सर्वप्रथम, कढईमध्ये तेल टाकून त्यात कढीपत्त्याची पाने भाजून घ्या.
• त्यानंतर तेलात शेंगदाणे, सुकलेल्या लाल मिरच्या, लसूण पाकळ्या, सुके खोबरे, तीळ, जिरं घालून भाजून घ्या.
• भाजून घेतलेले मिश्रण थंड करून त्यात आमचूर पावडर आणि चवीनुसार मीठ टाका.
• मिक्सरच्या भाड्यात घेतलेले सर्व साहित्य बारीक वाटून घ्या. तयार केलेली चटणी वाटीमध्ये काढा.
• तयार आहे सोप्या पद्धतीमध्ये बनवलेली कढीपत्याच्या पानांची चटणी.