मैदा न खाता शिल्लक राहिलेल्या शिळ्या चपात्यांपासून सकाळच्या नाश्त्यासाठी झटपट बनवा दाबेली रॅप, नोट करून घ्या रेसिपी

सकाळच्या नाश्त्यात नेहमीच तेच पदार्थ खाऊन कंटाळा आल्यास सोप्या पद्धतीमध्ये तुम्ही शिल्लक राहिलेल्या चपातीपासून दाबेली रॅप बनवू शकता. चला तर जाणून घेऊया दाबेली रॅप बनवण्याची सोपी रेसिपी.

सकाळच्या नाश्त्यात नेहमीच काय खावं? असे अनेक प्रश्न सगळ्यांचं पडतात, नाश्त्यात नेहमी पौष्टिक आणि सहज पचन होणाऱ्या पदार्थांचे सेवन करावे. सकाळच्या वेळी पोटभर नाश्ता केल्यास पोट दीर्घकाळ भरलेले राहते. यामुळे दुपारच्या वेळी लवकर भूक लागत नाही. नेहमीच नाश्त्यात कांदापोहे, शिरा किंवा उपमा खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही शिल्लक राहिलेल्या चपात्यांपासून दाबेली रॅप बनवू शकता. मुबईतील प्रत्येक रस्त्यावर दाबेली हा पदार्थ मिळतोच. आपल्यातील अनेकांना दाबेली खायला खूप आवडते. चिंच-गूळाची चटणी, शेव, कांदा, डाळिंब इत्यादी पदार्थाचामसाला तयार करून पावामध्ये भरला जातो. त्यानंतर पाव बटर मध्ये गरम करून सर्व्ह केला जातो. मात्र रोजच्या आहारात पाव खाणे आरोग्यासाठी चांगले नाही. त्यामुळे पावाचा वापर न करता तुम्ही चपाती वापरून दाबेली रॅप बनवू शकता. चला तर जाणून घेऊया दाबेली रॅप बनवण्याची सोपी रेसिपी.(फोटो सौजन्य – iStock)

उन्हाळ्याच्या दिवसांमध्ये सकाळी उठल्यानंतर चहा पिण्याऐवजी घरी बनवा थंडगार कोल्ड कोको, नोट करून घ्या पदार्थ

साहित्य:

• शिल्लक राहिलेली चपाती
• जिरं
• मोहरी
• तीळ
• बडीशेप
• मॅश केलेला बटाटा
• लाल तिखट
• आलं लसूण पेस्ट
• चिंच चटणी
• दाबेली मसाला
• शेव
• डाळिंबाचे दाणे
• मसाला शेंगदाणे
• हिरवी चटणी
• चीज
• बटर

पारंपरिक पद्धतीमध्ये झटपट बनवा झणझणीत कांदा लसूण मसाला, जेवणाला येईल चटकदार चव

कृती:

• दाबेली रॅप बनवण्यासाठी सर्वप्रथम, पॅन गरम करून त्यात जिरे, धणे, बडीशेप, तीळ, सुकं खोबर इत्यादी सर्व मसाले व्यवस्थित खमंग भाजून घ्या.
• त्यानंतर मसाले थंड झाल्यावर लाल मिरची पावडर, हळद, आमचूर पावडर, काळे मीठ, साखर आणि भाजलेले मसाले घेऊन बारीक
• वाटून घ्या.
• कढईमध्ये तेल गरम करून त्यात जिरं आणि आलं लसूण पेस्ट टाकून व्यवस्थित मिक्स करा. नंतर त्यात तयार केलेला मसाला, चिंच चटणी आणि आवश्यकतेनुसार पाणी घालून मिक्स करून घ्या.
• उकळी आल्यानंतर त्यात मॅश करून घेतलेला बटाटा घालून मिक्स करा. त्यानंतर ताटात तयार केलेली भाजी घेऊन पसरवून घ्या.
  भाजीवर कोथिंबीर, मसाले शेंगदाणे, शेव आणि डाळिंबाचे दाणे घालून पसरवा.
• दाबेली रॅप तयार करताना चपाती हलकीशी भाजून वरून चिंच चटणी आणि हिरवी चटणी लावा. त्यानंतर बटाट्याचे मिश्रण भरून वरून कोथिंबीर आणि शेव टाकून पसरवून घ्या.
• त्यानंतर एका बाजूला किसलेलं चीज टाकून दुसऱ्या बाजूने रॅप बंद करा. तव्यावर बटर टाकून रॅप कुरकुरीत भाजा.
• तयार आहे सोप्या पद्धतीमध्ये बनवलेला दाबेली रॅप. हा पदार्थ सकाळच्या नाश्त्यात खाल्यास पोट भरलेले राहील.