मांड्यांवर वाढलेला चरबीचा घेर होईल गायब! सकाळच्या नाश्त्यात नियमित प्या गाजर स्मूदी, नोट करून घ्या रेसिपी

वजन वाढल्यानंतर ते कमी करण्यासाठी अनेक वेगवेगळे उपाय केले जातात. वारंवार कोणत्याही सप्लिमेंट्सचे सेवन करण्याऐवजी गाजर स्मूदी किंवा वेगवेगळ्या फळांपासून बनवलेल्या स्मूदीचे सेवन करावे.

वजन वाढणे ही सामान्य समस्या आहे. जीवनशैलीत होणाऱ्या बदलांमुळे झपाट्याने वजन वाढते. मांड्या, हात, पोट आणि शरीराच्या इतर अवयवांवर चरबीचे थर जमा होण्यास सुरुवात झाल्यानंतर आरोग्य हळूहळू बिघडू लागते. मांड्यांवर वाढलेल्या अनावश्यक चरबीमुळे चालताना किंवा वर उठताना खूप जास्त त्रास होतो. तसेच काहीवेळा वजन वाढल्यामुळे महिलांची आत्मविश्वास कमी होऊन जातो. अनावश्यक फॅट वाढल्यानंतर महागडा डाएट, तासनतास व्यायाम, सप्लिमेंट्स इत्यादी अनेक गोष्टी केल्या जातात. पण तरीसुद्धा अंगावर वाढलेला चरबीचा घेर कमी होत नाही. म्हणूनच आज आम्ही तुम्हाला वाढलेले वजन कमी करण्यासाठी सकाळच्या नाश्त्यात गाजर स्मूदी बनवण्याची सोपी रेसिपी सांगणार आहोत. गाजर स्मूदी चवीला अतिशय सुंदर लागते. थंडीच्या दिवसांमध्ये बाजारात गाजर मोठ्या प्रमाणावर उपलब्ध असतात. त्यामुळे नियमित महिनाभर गाजर स्मूदी प्यायल्यास पोटावर वाढलेला चरबीचा घेर कमी होईल. चला तर जाणून घेऊया गाजर स्मूदी बनवण्याची सोपी रेसिपी. (फोटो सौजन्य – istock)

Winter Special Recipe: हिवाळ्यात घरी बनवा पौष्टिक आणि चविष्ट पंजाबी स्टाईल ‘आलू पराठे’

साहित्य:

• गाजर
• आंबा
• अननस
• स्ट्रोबरी
• ग्रीक दही
• सोया दूध
• चिया सीड्स

दालखिचडी सोबत खाण्यासाठी ‘या’ पद्धतीने बनवा चमचमीत मसालेदार कढी, नेहमीपेक्षा वेगळा पदार्थ

कृती:

• गाजर स्मूदी बनवण्यासाठी सर्वप्रथम, गाजर स्वच्छ धुवून त्यांच्या वरील साल काढून घ्या. त्यानंतर गाजरचे बारीक तुकडे करा.
• मिक्सरच्या भांड्यात बारीक तुकडे केलेले गाजर, आंबा, अननस, स्ट्रॉबेरी बारीक वाटून घ्या.
• त्यानंतर त्यात ग्रीक दही, सोया दूध घालून पुन्हा एकदा बारीक वाटून घ्या. यामुळे स्मूदीला सुंदर चव लागेल.
• काचेच्या ग्लासात भिजवलेल्या चिया सीड्स घालून वरून तयार केलेली स्मूदी ओता. स्मूदी सजवण्यासाठी वरून बारीक तुकडे केलेले अननस आणि स्ट्रोबरी घालून सर्व्ह करा.
• तयार आहे सोप्या पद्धतीमध्ये बनवलेली गाजर स्मूदी. महिनाभर नियमित गाजर स्मूदीचे सेवन करावे.