१० मिनिटांमध्ये डब्यासाठी सोप्या पद्धतीमध्ये बनवा चमचमीत दही भेंडी, भेंडी न खाणारेही आवडीने खातील भाजी

नेहमी नेहमी डब्यात काय भाजी बनवावी? हे अनेकदा सुचत नाही. अशावेळी तुम्ही सोप्या पद्धतीमध्ये दही भेंडी बनवू शकता. ही भाजी डब्यात घेऊन जाण्यासाठी अतिशय उत्तम पर्याय आहे. चला तर जाणून घेऊया दही भेंडीची रेसिपी.

भेंडीच्या भाजीचे नाव घेतल्यानंतर लहान मुलांपासून मोठ्यांपर्यंत अनेक लोक नाक मुरडतात. भेंडीची भाजी खायला अनेकांना आवडत नाही. मात्र नेहमी नेहमी सकाळच्या डब्यात काय भाजी खायला बनवावी? असा प्रश्न सर्वच महिलांना पडतो. जेवणाच्या ताटात नेहमी नेहमी त्याच त्याचं भाज्या खाऊन कंटाळा आल्यानंतर काहींना काही नवीन पदार्थ खाण्याची इच्छा होते, अशावेळी तुम्ही दही भेंडी बनवू शकता. यापूर्वी तुम्ही मसाला भेंडी, भरली भेंडी, कुरकुरी भेंडी खाल्ली असेल पण आज आम्ही तुम्हाला सोप्या पद्धतीमध्ये दही भेंडी बनवण्याची रेसिपी सांगणार आहोत. हा पदार्थ घाईगडबडीच्या वेळी सुद्धा झटपट तुम्ही बनवू शकता. चला तर जाणून घेऊया दही भेंडी बनवण्याची सोपी रेसिपी.(फोटो सौजन्य – iStock)

हिवाळ्यात घरच्या घरी सोप्या पद्धतीमध्ये बनवा हॉटेल स्टाईल मंचाव सूप, वाचा सिंपल रेसिपी

See more

साहित्य:

• दही
• भेंडी
• तेल
• जिरं
• लाल तिखट
• हळद
• आमचूर पावडर
• बेसन
• मीठ
• कसुरी मेथी
• कोथिंबीर

सकाळच्या नाश्त्यासाठी सोप्या पद्धतीमध्ये बनवा कुरकुरीत मटार रोल, वाचा सिंपल रेसिपी

See more

कृती:

• दही भेंडी बनवण्यासाठी सर्वप्रथम, भेंडी पाण्याने स्वच्छ धुवून कॉटनच्या कापडाने व्यवस्थित पुसून घ्या.
• त्यानंतर त्यांचे देठ काढून उभ्या आकारात पातळ चिरून घ्या.
• त्यानंतर पॅनमध्ये तेल घालून तेल गरम झाल्यानंतर त्यात जिरं घालून वरून भेंडी टाका. भेंड्याना एक वाफ आल्यानंतर मिक्स करा.
• भेंडीमध्ये लाल तिखट मसाला, हळद, आमचूर पावडर, धणे पूड, गरम मसाला इत्यादी सर्व मसाले घालून व्यवस्थित मिक्स करा.
• त्यानंतर वाटीमध्ये दही घेऊन त्यात बेसन टाकून मिक्स करा. आवश्यकता वाटल्यास त्यात तुम्ही पाणी घालू शकता.
• तयार करून घेतलेले दह्याचे मिश्रण भाजीमध्ये ओतून मिक्स करा.
• भाजीमध्ये चवीनुसार मीठ आणि कोथिंबीर टाकून मिक्स करा.
• तयार आहे सोप्या पद्धतीमध्ये बनवलेले दही भेंडी. ही भाजी तुम्ही चपाती, भाकरी, भातासोबत सुद्धा खाऊ शकता.