हिवाळ्यात घरच्या घरी सोप्या पद्धतीमध्ये बनवा हॉटेल स्टाईल मंचाव सूप, वाचा सिंपल रेसिपी

हॉटेल स्टाईल मंचाव सूप लहान मुलांपासून मोठ्यांपर्यंत सगळ्यांचं खूप आवडते. पण अनेकदा घरी बनवलेले सूप हॉटेलसारखे होत नाही. म्हणून आज आम्ही तुम्हाला हॉटेल स्टाईल मंचाव सूप बनवण्याची सोपी रेसिपी सांगणार आहोत.

घरी सोप्या पद्धतीमध्ये बनवा हॉटेल स्टाईल मंचाव सूप

Follow Us:

Follow Us:

हॉटेलमध्ये गेल्यानंतर सगळ्यात आधी मागवला जाणारा पदार्थ म्हणजे मंचाव सूप. लहान मुलांपासून अगदी मोठ्यांपर्यंत सगळ्यांचं मंचाव सूप प्यायला खूप आवडते. मंचाव सूप खाण्याची इच्छा झाल्यानंतर अनेकदा ते बाजारातून विकत आणले जाते किंवा पाकिटमध्ये मिळणाऱ्या पदार्थांपासून सूप बनवले जाते. मात्र नेहमी नेहमी हॉटेल किंवा बंद पाकिटातील पदार्थ खाणे आरोग्यासाठी अतिशय हानिकारक आहे. थंडीच्या दिवसांमध्ये सगळ्यांचं गरमागरम सूप पिण्याची इच्छा होते. अनेक घरांमध्ये टोमॅटो सूप, भोपळ्याचे सूप किंवा मिक्स भाज्यांचे सूप बनवले जाते. मात्र मंचाव सूप घरी बनवता येत नाही. त्यामुळे आज आम्ही तुम्हाला हॉटेल स्टाईल मंचाव सूप बनवण्याची सोपी रेसिपी सांगणार आहोत. चला तर जाणून घेऊया.(फोटो सौजन्य – iStock)

नवनवीन रेसिपीसाठी इथे क्लिक करा

साहित्य:

• लसूण
• आलं
• शिमला मिरची
• कोबी
• हिरवी मिरची
• सोया सॉस
• व्हिनेगर
• टोमॅटो सॉस
• कॉर्नफ्लोर
• रेड चिली सॉस
• टोमॅटो सॉस
• मीठ

नवनवीन रेसिपीसाठी इथे क्लिक करा

कृती:

• मंचाव सूप बनवण्यासाठी सर्वप्रथम, कढईमध्ये तेल गरम करून त्यात बारीक चिरून घेतलेला लसूण आणि आलं टाकून मिक्स करून घ्या.
• त्यानंतर त्यात बारीक चिरलेली मिरची टाकून मिक्स करा.
• लसूण आलं शिजल्यानंतर त्यात चिरलेली कांदेपात, गाजर, शिमला मिरची टाकून मिक्स करून घ्या. त्यानंतर त्यात चवीनुसार मीठ टाका.
• भाज्यांना एक वाफ आल्यानंतर त्यात सोया सॉस, रेड चिली सॉस, टोमॅटो सॉस आणि व्हिनेगर घालून मिक्स करा.
• नंतर त्यात आवश्यकतेनुसार पाणी घालून तयार करून घेतलेली कॉर्नफ्लोरची पेस्ट घालून व्यवस्थित सूप मिक्स करत राहा.
• सगळ्यात शेवटी त्यावर कांद्याची पात आणि नूडल्स घालून खाण्यासाठी सर्व्ह करा.
• तयार आहे सोप्या पद्धतीमध्ये बनवलेले हॉटेल स्टाईल मंचाव सूप.

Web Title: How to make manchow soup at home easy food recipe winter care tips

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com