१० मिनिटांमध्ये सोप्या पद्धतीत बनवा चमचमीत दही भेंडी, लहान मुलांच्या डब्यासाठी उत्तम पर्याय

डब्यासाठी नेहमी नेहमी काय भाजी बनवावी? हे अनेकदा सुचत नाही. अशावेळी तुम्ही सोप्या पद्धतीमध्ये दही भेंडी बनवू शकता. ही भाजी लहान मुलांसह मोठ्यांसुद्धा खूप जास्त आवडेल. चला तर जाणून घेऊया रेसिपी.

लहान मुलांना शाळेत जाताना नेहमी नेहमी काय खाण्यासाठी द्यावं? हा प्रश्न सर्वच पालकांना पडतो. अशावेळी मुलांना ब्रेड किंवा इतर तेलकट गोष्टी बनवून दिल्या जातात. मात्र लहान मुलांच्या डब्यात नेहमी नेहमी तेलकट किंवा तिखट पदार्थ देण्याऐवजी घरी बनवललेली पौष्टिक चपाती भाजी खाण्यास द्यावी. चपाती भाजी खाल्यामुळे पोट दीर्घकाळ भरलेले राहते. त्यामुळे आज आम्ही तुम्हाला सोप्या पद्धतीमध्ये दही भेंडी बनवण्याची रेसिपी सांगणार आहोत. कमी वेळात आणि साहित्यामध्ये दही भेंडी तयार होतात. शरीरात निर्माण झालेली विटामिनची कमतरता भरून काढण्यासाठी आहारात भेंडीच्या भाजीचे सेवन करावे. याआधी तुम्ही मसाला भेंडी, भरली भेंडी, कुरकुरी भेंडी इत्यादी अनेक प्रकार पहिले असतील त्यामुळे आज आम्ही तुम्हाला सोप्या पद्धतीमध्ये दही भेंडी बनवण्याची सोपी रेसिपी सांगणार आहोत. चला तर जाणून घेऊया.(फोटो सौजन्य – iStock)

नवनवीन रेसिपीसाठी इथे क्लिक करा

साहित्य:

• भेंडी
• दही
• तेल
• जिरं
• लाल तिखट
• हळद
• मीठ
• गरम मसाला
• बेसन
• कसुरी मेथी
• कोथिंबीर

नवनवीन रेसिपीसाठी इथे क्लिक करा

कृती:

• दही भेंडी बनवण्यासाठी सर्वप्रथम, भेंडी स्वच्छ पाण्याने धुवून घ्या. त्यानंतर कॉटनच्या कापडाने व्यवस्थित कोरडी करा. भेंडीचे मध्यम आकाराचे तुकडे करून घ्या.
• कढईमध्ये तेल गरम करून त्यात जिरं टाकून वरून चिरून घेतलेली भेंडी टाकून व्यवस्थित भाजून घ्या.
• नंतर भेंडी व्यवस्थित फ्राय करून झाल्यानंतर त्यात लाल तिखट मसाला, हळद, आमचूर पावडर, धणे पूड, गरम मसाला इत्यादी सर्व मसाले टाकून व्यवस्थित मिक्स करा.
• वाटीमध्ये दही आणि बेसन एकत्र मिक्स करून घ्या. त्यानंतर ते भेंडीच्या मिश्रणात ओता. भाजीमध्ये तुमच्या आवश्यकतेनुसार पाणी घालून मिक्स करा.
• सगळ्यात शेवटी वरून मीठ आणि कोथिंबीर टाकून मिक्स करून घ्या.
• तयार आहे सोप्या पद्धतीमध्ये बनवलेली दही भेंडी. ही भाजी खाऊन सगळेच खूप खुश होतील.