वांग्याची भाजी खाऊन कंटाळा आला आहे? मग १० मिनिटांमध्ये झटपट बनवा चमचमीत दही वांग, सगळेच खातील आवडीने

वांग्याची भाजी खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप जास्त इच्छा होते. अशावेळी तुम्ही दही वांग बनवू शकता. हा पदार्थ कमीत कमी साहित्यात झटपट तयार होतो.

वांग्याची भाजी खाऊन कंटाळा आला आहे? मग १० मिनिटांमध्ये झटपट बनवा चमचमीत दही वांग, सगळेच खातील आवडीने

Follow Us:

Follow Us:

नेहमीच डाळ, भाजी खाऊन कंटाळा आल्यानंतर सगळ्यांचं चमचमीत आणि नवीन पदार्थ खाण्याची खूप जास्त इच्छा होते. रोजच्या जेवणासाठी वेगवेगळ्या भाज्या घरी बनवल्या जातात. भेंडी, वांग, कारलं किंवा कडधान्य या भाज्या आवर्जून केल्या जातात. पण नवीन पदार्थ खाण्याची इच्छा झाल्यास १० मिनिटांमध्ये तुम्ही दह्यात वांग बनवू शकता. दही आणि वांग्याचं कॉम्बिनेशन चवीला अतिशय सुंदर लागते. कमीत कमी साहित्यात झटपट तयार होणारा पदार्थ बनवायला सगळ्यांचं खूप जास्त आवडतो. त्यामुळे दही, वांग आणि विविध मसाल्यांचा वापर करून बनवलेला चविष्ट पदार्थ घरातील सगळेच अतिशय आवडीने खातील. गरमागरम भात किंवा भाकरीसोबत दही वांग चविष्ट लागते. चला तर जाणून घेऊया दही वांग बनवण्याची सोपी रेसिपी.(फोटो सौजन्य – istock)

Travel News : कचोरी कॅपिटलच्या नावाने फेमस आहे भारतातील शहर, तुम्हाला माहिती आहे का?

साहित्य:

• दही
• वांग
• हळद
• लाल तिखट
• जिऱ्याची पावडर
• तेल
• मीठ
• लसूण
• लाल सुक्या मिरच्या
• कढीपत्ता
• मोहरी

कृती:

• दही वांग बनवण्यासाठी सर्वप्रथम, वांग पाण्याने स्वच्छ धुवून घ्या आणि गोलाकार मध्यम आकारात चकत्या बनवा.
• वाटीमध्ये दही घेऊन फेटून घ्या. यामुळे दह्यातील गुठळ्या मोडल्या जातील आणि मिश्रण व्यवस्थित शिजले जाईल.
• स्वच्छ धुवून घेतलेल्या वांग्याच्या कापांना थोडे मीठ, थोडी हळद आणि लाल मिरची पावडर टाकून मिक्स करा आणि १० मिनिट तसेच ठेवा.
• पॅनमध्ये तेल गरम करून त्यात मसाला लावलेल्या वांग्याच्या चकत्या मंद आचेवर फ्राय करा. भाजून घेतलेल्या चकत्या ताटात काढा.
• फेटून घेतलेल्या दह्यात लाल तिखट, हळद आणि जिऱ्याची पावडर, चवीनुसार मीठ घालून व्यवस्थित मिक्स करा.
• वांग्याच्या चकत्यांवर फेटून घेतलेले दही ओतून हलक्या हाताने मिक्स करा.
• फोडणीच्या वाटीमध्ये तेल गरम करून त्यात जिरं, मोहरी, लसूण आणि सुक्या मिरच्या लालसर होईपर्यंत भाजा आणि तयार केलेल्या वांग्याच्या मिश्रणात ओतून मिक्स करा.
• तयार आहे सोप्या पद्धतीमध्ये बनवलेले गरमागरम दही वांग. हा पदार्थ वाफाळत्या भातासोबत मस्त लागतो.

Web Title: How to make dahi brinjal at home simple food recipe brinjal recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com