Drumstick Leaves Pickle: १५ मिनिटांमध्ये शेवग्याच्या शेंगांपासून बनवा चटकदार लोणचं, चवीसोबत आरोग्यासाठी सुद्धा फायदेशीर

शेवग्याच्या शेंगा चवीसोबत आरोग्यासाठी सुद्धा अतिशय गुणकारी असतात. म्हणूनच आज आम्ही तुम्हाला शेवग्याच्या शेंगांचे लोणचं बनवण्याची सोपी रेसिपी सांगणार आहोत. हा पदार्थ चपाती, भाकरीसोबत अतिशय सुंदर लागतो.

शेवग्याच्या शेंगा आरोग्यासाठी अतिशय प्रभावी आहेत. या शेवग्याचे नियमित सेवन केल्यास तुम्ही कायमच निरोगी राहाल. धावपळीच्या जीवनशैलीचा परिणाम आरोग्यावर लगेच दिसून येतो. त्यामुळे आहारात कायमच हेल्दी पदार्थांचे सेवन करावे. शेवग्याच्या शेंगांमध्ये भरपूर जीवनसत्त्वे, अमीनो ॲसिड आणि आवश्यक खनिजे इत्यादी अनेक घटक आढळून येतात. यापूर्वी तुम्ही कैरीचे लोणचं, लिंबाचे लोणचं, मिरचीचं लोणचं इत्यादी अनेक वेगवेगळ्या भाज्यांपासून बनवलेले लोणचं खाल्ले असतील पण आज आम्ही तुम्हाला शेवग्याच्या शेंगांचे लोणचं बनवण्याची सोपी रेसिपी सांगणार आहोत. शेवग्याच्या भाजीपासून सूप, भाजी, पराठा, थालीपीठ इत्यादी अनेक पदार्थ बनवले जातात. वय वाढल्यानंतर महिलांसह पुरुषांनी आहारात शेवग्याच्या शेंगाचे किंवा शेवग्याच्या पानांचे सेवन करावे. यामुळे हाडे मजबूत राहतात, मधुमेह आणि कोलेस्ट्रॉलच्या समस्येपासून आराम मिळतो.(फोटो सौजन्य – pinterest)

शेवग्याच्या शेंगांमध्ये असलेल्या फायबरमुळे पचनक्रिया कायमच निरोगी राहते. आठवड्यातून एकदा किंवा दोनदा शेवग्याच्या शेंगा खाल्ल्यास गॅस, बद्धकोष्ठता, आम्लता आणि अपचन यांसारख्या समस्या उद्भवणार नाही. यामध्ये असलेल्या विटामिन सी आणि अँटीऑक्सिंडट्समुळे रोगप्रतिकारशक्ती कायमच निरोगी राहते. साथीच्या आजारांपासून शरीराचा बचाव करण्यासाठी शेवग्याच्या शेंगा खाव्यात. चला तर जाणून घेऊया शेवग्याच्या शेंगांचे लोणचं बनवण्याची सोपी कृती.

Food Recipe: लहान मुलांच्या नाश्त्यासाठी झटपट बनवा चमचमीत मसाला टिक्की पाव, पदार्थ पाहून मुलांना होईल आनंद

साहित्य:

• शेवग्याच्या शेंगा
• पिवळी मोहरी
• लोणचं मसाला
• हिंग
• बडीशेप
• हळद
• मीठ
• पाणी
• तेल
• गूळ
• लवंग, काळीमिरी पावडर

Breakfast Recipe: सकाळच्या नाश्त्यासाठी बनवा विष्ट ‘पनीर डोसा’, शरीरात दीर्घकाळ टिकून राहील ऊर्जा

कृती:

• शेवग्याच्या शेंगांचे लोणचं बनवण्यासाठी सर्वप्रथम, शेंगा स्वच्छ धुवून त्यांचे मध्यम आकाराचे तुकडे करून वरील साल काढून घ्या.
• टोपात पाणी गरम करून त्यात मीठ टाका आणि वरून शेवग्याच्या शेंगा टाकून शिजवा. शेंगा जास्त वेळ शिजवू नये.
• कढईमध्ये तेल गरम करून त्यात पिवळी मोहरी टाकून फोडणी द्या. त्यानंतर त्यात हिंग, बडीशेपची पूड, हळद आणि गूळ घालून चमच्याने गूळ पूर्णपणे वितळवून घ्या.
• त्यानंतर त्यात लोणचं मसाला, लाल तिखट, हळद आणि चवीनुसार मीठ घालून मसाला तेलात भाजा. यामुळे लोणचं लवकर खराब होणार नाही.
• शेवग्याच्या आतील पाणी काढून शिजवून घेतलेल्या शेंगा मसाल्यात टाकून व्यवस्थित मिक्स करा. तयार करून घेतलेले लोणचं थंड झाल्यानंतर बरणीमध्ये भरून ठेवा.
• तयार आहे सोप्या पद्धतीमध्ये बनवलेले शेवग्याच्या शेंगांचे चटकदार लोणचं. हे लोणचं आठवडाभर व्यवस्थित टिकून राहते.