डाळभाताची चव वाढवण्यासाठी १० मिनिटांमध्ये बनवा मसालेदार अंड्याचे काप, लहान मुलांचा आवडता पदार्थ

अंड खायला सगळ्यांच खूप जास्त आवडते. त्यामुळे लहान मुलांसाठी सोप्या पध्दतीमध्ये अंड्याचे मसालेदार काप बनवू शकता. हा पदार्थ चवीला अतिशय सुंदर लागतो. जाणून घ्या रेसिपी.

भारतीय जेवणात डाळभात हा अतिशय प्रसिद्ध पदार्थ आहे. डाळभाताशिवाय जेवणाला चांगली चव लागत नाही. हा पदार्थ चवीसोबतच आरोग्यासाठी सुद्धा खूप पौष्टिक आहे. पण बऱ्याचदा दुपारच्या जेवणात डाळभात बनवल्यानंतर तोंडी लावण्यासाठी काय बनवावे? सुचत नाही. अशावेळी तुम्ही सोप्या पद्धतीमध्ये मसालेदार अंड्याचे काप बनवू शकता. अंडी आरोग्यासाठी पौष्टिक असतात. त्यामुळे आठवड्यातून दोनदा किंवा तीनदा अंड्याचे सेवन करावे. अंड्यांपासून विविध पदार्थ बनवले जातात. पण नेहमीच तेच ठराविक पदार्थ खाऊन कंटाळा आल्यानंतर काहींना काही चमचमीत आणि मसालेदार पदार्थ खाण्याची इच्छा झाल्यास मसालेदार अंड्याचे काप बनवावे. अंड्याचे काप डाळभातासोबतच नाहीतर चपाती किंवा गरमागरम भाकरीसोबत सुद्धा खाऊ शकता. हा पदार्थ लहान मुलांच्या डब्यासाठी सुद्धा उत्तम आहे. चला तर जाणून घेऊया मसालेदार अंड्याचे काप बनवण्याची सोपी रेसिपी.(फोटो सौजन्य – pinterest)

केरळचा पारंपरिक पदार्थ: फास्ट फूड खाण्याऐवजी आहारात करा पंकांजीचे सेवन, उन्हाळ्यात शरीराला होतील फायदे

साहित्य:

• अंडी
• लाल तिखट
• हळद
• आलं लसूण पेस्ट
• मीठ
• तेल
• गरम मसाला
• धणे पावडर
• पाणी

Summer Special : सीजनच्या कैऱ्या आल्या बाजारात, वेळ कसली पाहता आजच घरी बनवा आंबट-गोड चवीचा ‘मुरांबा’

कृती:

• मसालेदार अंड्याचे काप बनवण्यासाठी सर्वप्रथम, टोपात पाणी घेऊन त्यात अंडी शिजण्यासाठी ठेवावी. त्यानंतर त्यात चवीनुसार मीठ टाकावे.
• अंड्याना उकळी आल्यानंतर गॅस बंद करून अंडी थंड करण्यासाठी ठेवा. त्यानंतर त्यांच्या वरील साल काढा.
• मोठ्या वाटीमध्ये लाल तिखट, हळद, धणे पावडर, गरम मसाला, आलं लसूण पेस्ट आणि चवीनुसार मीठ घालून व्यवस्थित मिक्स करा.
• अंड्याचे दोन काप करून त्यावर मसाला लावून ठेवा. तवा गरम करून त्यावर तेल टाका.
• गरम तेलात अंड्याचे काप टाकून दोन्ही बाजूने व्यवस्थित भाजून कुरकुरीत करा.
• तयार आहे सोप्या पद्धतीमध्ये बनवलेले मसालेदार अंड्याचे काप