चवीसोबतच आरोग्यसाठी पौष्टिक ठरेल झणझणीत जवसाची चटणी, वाचा सोपी रेसिपी

जवसाच्या बिया आरोग्यसाठी पौष्टिक असतात. या बियांचे सेवन केल्यामुळे आरोग्यासंबंधित अनेक समस्या दूर होण्यास मदत होते. तसेच या बियांमध्ये फायबर, विटामिन बी कॉम्पलेक्स, प्रोटिन, पोटॅशियम, मॅग्नेशियम, फॉस्फोरस, थायामिन इत्यादी अनेक घटक आढळून येतात. त्यामुळे रोजच्या आहारात जवसाच्या बिया नुसत्याच खाण्यापेक्षा चटणी बनवून खावी. यामुळे जेवणाची चव वाढण्यास मदत होईल आणि तुम्ही बनवलेली चटणी घरातील सगळ्यांना नक्की आवडेल.

जेवणाच्या ताटात भाजी नसली की घरी वेगवेगळ्या प्रकारच्या चटण्या बनवल्या जातात. त्यामध्ये नारळाची चटणी, शेंगदाण्याची चटणी, डाळींची चटणी. टोमॅटो चटणी इत्यादी वेगेवेगळ्या प्रकारच्या चटणी बनवल्या जातात. पण तुम्ही कधी जवसाच्या बियांची चटणी बनवली आहे का? नसेल बनवली तर या पद्धतीने नक्की बनवून पहा. जवसाच्या बिया आरोग्यसाठी खूप पौष्टिक असतात.जवसाच्या बियांमध्ये फायबर, विटामिन बी कॉम्पलेक्स, प्रोटिन, पोटॅशियम, मॅग्नेशियम, फॉस्फोरस, थायामिन आणि फायटोअॅस्ट्रोजन यांसारखे अनेक घटक आढळून येतात, ज्यामुळे त्वचेक पोषण मिळते. सर्व गुणधर्मांनी समृद्ध असलेल्या बियांचे सेवन केल्यास त्वचा उजळण्यास मदत होते. कमीत कमी साहित्यामध्ये बनवली जाणारी चटणी अधिक काळ चांगली टिकून राहते. जवसाच्या बियांची चटणी लवकर खराब होत नाही. चला तर जाणून घेऊया जवसाच्या बियांची चटणी बनवण्याची सोपी रेसिपी.(फोटो सौजन्य-istock)

साहित्य:

• जवसाच्या बिया
• मीठ
• लाल मिरच्या
• ऑलिव्ह ऑइल
• जिरे
• चिंच
• कोथिंबीर
• पाणी

हे देखील वाचा: कच्च्या केळीपासून बनवा हा टेस्टी स्नॅक्स, सोशल मीडियावर व्हायरल होत आहे रेसिपी

कृती:

• जवसाच्या बियांची चटणी बनवण्यासाठी कढईमध्ये तेल गरम करण्यासाठी ठेवा. तेल गरम झाल्यानंतर त्यात जवसाच्या बिया भाजून घ्या.
• बिया लालसर भाजून झाल्यानंतर त्यात पुन्हा एकदा जिरे भाजा.
• मिक्सरच्या भांड्यात जवस, चिंच आणि जिरे टाकून बारीक पावडर तयार करा. नंतर त्यात मीठ आणि मिरच्या टाकून पुन्हा एकदा वाटून घ्या.
• सर्व साहित्य व्यवस्थित मिक्स होण्यासाठी त्यात पाणी टाकून पुन्हा एकदा बारीक पेस्ट बनवा.
• अशा पद्धतीने तयार आहे झणझणीत जवसाची चटणी. ही चटणी जेवणात असेल तर दोन घास जास्त जेवण जाईल.