Nagpanchami Recipe: नागपंचमीनिमित्त पारंपरिक पद्धतीने बनवा तांदळाची खांडवी, नोट करून घ्या झटपट होणारा पदार्थ

आज आम्ही तुम्हाला नागपंचमीनिमित्त तांदळाच्या खांडवी बनवण्याची सोपी रेसिपी सांगणार आहोत. हा पदार्थ कमीत कमी साहित्यात झटपट तयार होतो. नागपंचमीला प्रामुख्याने उकडवलेले पदार्थ बनवले जातात.

श्रावण महिन्याला सुरुवात झाल्यानंतर सगळ्यात पहिला येणारा सण म्हणजे नागपंचमी. या महिन्यात सणांची मोठी लगबग असते. नागपंचमी झाल्यानंतर रक्षाबंधन, गणेशोत्सव इत्यादी विविध सण येतात. हिंदू धर्मात येणाऱ्या प्रत्येक सणाला खूप जास्त महत्व आहे. नागपंचमीच्या दिवशी नागाची विधिवत पूजा करून गोडाचा नैवेद्य दाखवला जातो. तसेच तव्यावर काहीही न भाजता वाफेवर तयार केलेल्या पदार्थांचा नैवेद्य नागपंचमीला दाखवण्याची परंपरा आहे. त्यामुळे कोकणातील अनेक ठिकाणी उकडीचे मोदक, पातोळ्या आणि तांदळाची खांडवी दाखवण्याची सुद्धा परंपरा आहे. हा पदार्थ तांदूळ, खोबऱ्याचा किस आणि सुका मेवा वापरून तयार केला जातो. आज आम्ही तुम्हाला कोकणातील पारंपरिक पद्धतीने तांदळाची खांडवी बनवण्याची सोपी रेसिपी सांगणार आहोत. हा पदार्थ घरातील सगळ्यांचं खूप जास्त आवडेल.(फोटो सौजन्य – सोशल मीडिया)

शरीराला आतून मजबूत करण्यास करेल मदत, मोरिंगा पराठा कसा बनवायचा? जाणून घ्या रेसिपी

साहित्य:

• तांदूळ
• गूळ
• वेलची पावडर
• ओल्या खोबऱ्याचा किस
• आल्याचा रस
• तूप
• सुका मेवा

Recipe : संध्याकाळच्या नाश्त्यासाठी काहीतरी हटके, घरी बनवा चटकदार ‘कुरकुरे चाट’

कृती:

• पारंपरिक तांदळाची खांडवी बनवण्यासाठी सर्वप्रथम, मिक्सरच्या भांड्यात तांदूळ, ओल्या खोबऱ्याचे किस आणि पाणी घालून बारीक पेस्ट करून घ्या.
• कढईमध्ये वाटून घेतलेले पीठ, २ वाट्या पाणी आणि चवीनुसार गूळ घालून व्यवस्थित मिक्स करा.
• चमच्याने सतत मिश्रण मिक्स करत राहा. तयार केलेल्या मिश्रणाच्या गुठळ्या अजिबात करू नका.
• पीठ घट्ट झाल्यानंतर आल्याचा रस, वेलची पावडर, जायफळ पावडर आणि चमचाभर तूप घालून मिक्स करून घ्या.
• तयार केलेले मिश्रण घट्टसर झाल्यानंतर तूप लावलेल्या ताटात ओतून घ्या आणि एकसमान पसरवा. त्यानंतर वरून काजूचे तुकडे घालून पुन्हा एकदा हलक्या हाताने पसरवून घ्या.
• तुमच्या आवडीनुसार वड्या पडून खांडवी खाण्यासाठी सर्व्ह करा. तयार आहे पारंपरिक पद्धतीमध्ये बनवलेली तांदळाची खांडवी.