चमचाभर बडीशेप आणि खडीसाखरेचा वापर करून उन्हाळ्यात बनवा थंडगार सरबत, उष्णता होईल कमी

उन्हाळ्याच्या दिवसांमध्ये शरीरातील उष्णता कमी करण्यासाठी थंड पदार्थांचे सेवन करण्याचा सल्ला दिला जातो. अशावेळी तुम्ही बडीशेप आणि खडीसाखरेपासून तयार केलेलं सरबत पिऊ शकता. जाणून घ्या सरबत बनवण्याची सोपी रेसिपी.

उन्हाळा ऋतू कोणालाच आवडत नाही. कारण या दिवसांमध्ये कडक उन्हामुळे सतत घाम येणे, डिहायड्रेशनची समस्या उद्भवणे इत्यादी अनेक समस्या उद्भवू लागतात. अशावेळी शरीर थंड करण्यासाठी कोल्डड्रिंक, आईस्क्रीम, सरबत अशा वेगवेगळ्या प्रकारचे ड्रिंक प्यायले जातात. शरीरात वाढलेली उष्णता कमी करण्यासाठी थंड पेयांचे सेवन करावे, ज्यामुळे उष्णता कमी होऊन आराम मिळेल. उन्हाळा सुरु झाल्यानंतर अनेकांच्या घरी कैरीचे पन्ह, कैरीचे सरबत, कोकम सरबत इत्यादी पेय बनवली जातात. मात्र आज आम्ही तुम्हाला चमचाभर बडीशेप आणि खडीसाखरेचा वापर करून थंडगार सरबत बनवण्याची सोपी रेसिपी सांगणार आहोत. बाहेर फिरून आल्यानंतर किंवा इतर वेळी घरी असताना तुम्ही बडीशेपचे सरबत बनवून पिऊ शकता. जाणून घेऊया बडीशेप खडीसाखरेचे सरबत बनवण्याची सोपी रेसिपी.(फोटो सौजन्य – iStock)

ऑफिसच्या डब्यासाठी ‘या’ पद्धतीने बनवा चमचमीत भेंडी फ्राय, लहान मुलं आवडीने खातील भाजी

साहित्य:

• बडीशेप
• खडीसाखर
• वेलची पावडर
• लिंबाचा रस
• बर्फ
• लिंबाचे काप
• सब्जा

Chutney Recipe: वरणभात किंवा भाकरीसोबत खाण्यासाठी सोप्या पद्धतीमध्ये बनवा कच्च्या टोमॅटोची चटणी, नोट करा रेसिपी

कृती:

• बडीशेप सरबत बनवण्यासाठी सर्वप्रथम, मिक्सरच्या भांड्यात बडीशेप, खडीसाखर आणि वेलची एकत्र करून बारीक वाटून घ्या.
• त्यानंतर मिक्सरमधून तयार केलेली पावडर गाळणीच्या सहाय्याने गाळून घ्या.
• सरबत तयार करण्यासाठी, एक ग्लास पाण्यात खडीसाखर, बडीशेपची पावडर टाकून घ्यावी.
• नंतर त्यात बर्फाचे खडे आणि आवश्यकतेनुसार पाणी घालून घ्या.
• सगळ्यात शेवटी त्यात लिंबाचा रस, लिंबाचे काप आणि भिजवलेला सब्जा घालून मिक्स करा.
• तयार आहे बडीशेपचे थंडगार सरबत.