भाजी खायचा कंटाळा आला आहे मग सोप्या पद्धतीमध्ये बनवा कुळीथ पीठ भरून बनवलेली मिरची फ्राई, नोट करा रेसिपी

मिरची फ्राय कायमच बेसन पिठाचा वापर करून बनवली जाते. पण आज आम्ही तुम्हाला कुळीथ पीठ भरून मिरची फ्राय बनवण्याची सोपी रेसिपी सांगणार आहोत. हा पदार्थ झटपट तयार होतो.

जेवणाच्या ताटात कायमच वेगवेगळ्या भाज्या वाढल्या जातात. कधी कोबी, तर कधी भेंडीची भाजी बनवली जाते. पण जेवणात प्रत्येकाला काहींना काही चटपटीत आणि चमचमीत पदार्थ खाण्यास हवा असतो. अशावेळी तुम्ही सोप्या पद्धतीमध्ये हिरव्या मिरच्यांचे भरीत बनवू शकता. हिरव्या मिरचीचे भरीत कायमच ओल्या खोबऱ्याचा किस टाकून बनवले जाते. पण ओल्या खोबऱ्याचा वापर करण्याऐवजी कुळीथ पिठाचा वापर करावा. कोकणातील प्रत्येक घरात कुळीथ पीठ कायमच उपलब्ध असते. जेवणात भाजी किंवा डाळ नसेल तर कुळीथ पिठाचा वापर करून आंबट तिखट पिठी बनवली जाते. कुळीथ पीठ भरून बनवलेले मिरची भरीत घरातील प्रत्येकाला खूप जास्त आवडेल. गरमागरम भाकरी किंवा चपातीसोबत तुम्ही हिरवी मिरचीचे भरीत खाऊ शकता. घाईगडबडीच्या वेळी १० मिनिटांमध्ये मिरची भरीत तयार होतो. चमचमीत पदार्थ खाण्याची इच्छा झाल्यास कायमच विकतचे पदार्थ आणून खाण्यापेक्षा घरी बनवलेले पौष्टिक आणि चविष्ट पदार्थ खावेत. चला तर जाणून घ्या कुळीथ पीठ भरून मिरची फ्राई बनवण्याची रेसिपी. (फोटो सौजन्य – सोशल मीडिया)

वाढत्या थंडीत शरीराची रोगप्रतिकारशक्ती वाढवण्यासाठी १० मिनिटांमध्ये बनवा पौष्टिक अळीवची खीर, नोट करून घ्या रेसिपी

साहित्य:

• कुळीथ पीठ
• हळद
• लाल तिखट
• मीठ
• कांदा
• कोथिंबीर
• हिरवी मिरची
• कोकम आगळ
• तेल
• ओल्या खोबऱ्याचा किस
• जिरं धणे पावडर

थंडीत शरीराची ताकद वाढवण्यासाठी सकाळच्या नाश्त्यात बनवा पौष्टिक मल्टीग्रेन डोसा, नोट करून घ्या जाळीदार डोशाची सोपी रेसिपी

कृती:

• कुळीथ पीठ भरून बनवलेली मिरची फ्राई बनवण्यासाठी, लांब हिरव्या मिरच्या पाण्याने स्वच्छ धुवून घ्या. त्यानंतर त्यातील बिया काढून मिरची उभी चिरून घ्या.
• मोठ्या वाटीमध्ये कुळीथ पीठ, चवीनुसार मीठ, बारीक चिरलेली कोथिंबीर, कांदा आणि कोमट सगळं मिक्स करून घ्या.
• त्यानंतर त्यात लाल तिखट, मालवणी तिखट मसाला, धणे जिरे पावडर, ओल्या खोबऱ्याचा किस आणि थोडस पाणी घालून घट्टसर मिश्रण तयार करा.
• तयार केलेले मिश्रण कापून घेतलेल्या मिरचीमध्ये भरून तव्यावरची गरम तेलावर सोडा.
• दोन्ही बाजूने मिरची व्यवस्थित भाजून झाल्यानंतर काढून खाण्यासाठी सर्व्ह करा.
• तयार आहे सोप्या पद्धतीमध्ये बनवलेली कुळीथ पीठ भरून बनवलेली मिरची फ्राई.