सकाळचा नाश्ता फक्त टेस्टीच नाही तर पौष्टिकही करा, घरी बनवा ‘हिरव्या मूगडाळीचे अप्पे’, एकदा खाल तर पुन्हा बनवाल

Green Moong Dal Appe Recipe : हे हिरव्या मुगडाळीचे अप्पे चविष्ट, हलके आणि आरोग्यदायी असल्यामुळे एकदा बनवले की पुन्हा पुन्हा खायची इच्छा होते. चला याची रेसिपी जाणून घेऊया.

(फोटो सौजन्य: Youtube)

Follow Us:

Follow Us:

• हिरव्या मूगडाळीचे सेवन आरोग्याला अनेक फायदे मिळवून देते.
• सकाळचा नाश्ता जर हेल्दी करायचा असेल तर हिरव्या मूगडाळीचे अप्पे उत्तम पर्याय ठरेल.
• हा हलका, पाैष्टिक आणि चवीला रुचकर लागणारा नाश्ता आहे.

Recipe : टेस्टी गोष्ट अनहेल्दीच नसू शकते, आता क्रेव्हिंग झाली तर घरीच बनवून खा ‘रागी पिझ्झा’

सकाळच्या न्याहारीसाठी, मुलांच्या डब्यासाठी किंवा संध्याकाळच्या हलक्या खाण्यासाठी हा एक उत्तम पर्याय आहे. कमी तेलात तयार होणारे हे अप्पे पचायला हलके असून आरोग्याची काळजी घेणाऱ्यांसाठी विशेष उपयुक्त आहेत. योग्य प्रमाणात मसाले आणि भाज्या घातल्यास चव आणखी खुलते. चला तर मग रेसिपीसाठी लागणारे साहित्य आणि कृती जाणून घेऊया.

साहित्य

• एक कप हिरवी मुगडाळ
• अर्धा कप तांदूळ
• एक छोटा कांदा बारीक चिरलेला
• एक हिरवी मिरची बारीक चिरलेली
• एक लहान तुकडा आले
• चिमूटभर हळद
• चवीनुसार मीठ
• अर्धा चमचा जिरे
• बारीक चिरलेली कोथिंबीर
• आवश्यकतेनुसार तेल

कृती

• यासाठी सर्वप्रथम हिरवी मुगडाळ आणि तांदूळ स्वच्छ धुऊन किमान चार ते पाच तास पाण्यात भिजत ठेवा.
  भिजलेली डाळ आणि तांदूळ पाणी काढून मिक्सरमध्ये घ्या. त्यात आले घालून थोडेसे पाणी टाकत जाडसर पीठ तयार करा. पीठ खूप पातळ नसावे.
• हे पीठ एका भांड्यात काढून त्यात मीठ, हळद, जिरे, हिरवी मिरची, कांदा आणि कोथिंबीर घालून चांगले मिसळा.
• इच्छित असल्यास थोडेसे किसलेले गाजर किंवा शिमला मिरचीही घालू शकता.
• अप्पे पात्र गरम करून प्रत्येक कपात थोडेसे तेल घाला.
• प्रत्येक कपात तयार पीठ ओता. झाकण ठेवून मध्यम आचेवर शिजू द्या.
• खालचा भाग सोनेरी झाला की अप्पे उलटवा आणि दुसरी बाजूही व्यवस्थित भाजून घ्या.
• दोन्ही बाजूंनी छान भाजलेले अप्पे गरमागरम बाहेर काढा.
• तयार अप्पे नारळाची चटणी किंवा टोमॅटो सॉसबरोबर सर्व्ह करा.

Web Title: How to make green moong dal appe at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com