Kabaddi Tournament : आरसीएफचा धडाका! व्यावसायिक गटात उपांत्य फेरीत धडक; नवशक्ती अकादमी उपांत्यपूर्व फेरीत
Kabaddi Tournament : मुंबई उपनगर कबड्डी असोसिएशन आणि सुधीर मोरे मित्र मंडळ यांच्या संयुक्त विद्यमाने आयोजित 44 व्या जिल्हा अजिंक्यपद निवड चाचणी कबड्डी स्पर्धेत राष्ट्रीय केमिकल अँड फर्टिलायझर्स (आरसीएफ) संघाने व्यावसायिक गटात उपांत्य फेरीत प्रवेश केला.
महिला गटात नवशक्ती स्पोर्ट्स अकादमीने उपांत्यपूर्व फेरी गाठत आगेकूच केली. विक्रोळी पश्चिम येथील कैलास कॉम्प्लेक्स रोडवरील महापालिका मैदानात ही स्पर्धा सुरू आहे.
व्यावसायिक गटातील उपांत्यपूर्व फेरीच्या सामन्यात आरसीएफने महाराष्ट्र वाहतूक सेवेचा 26-07 असा एकतर्फी पराभव केला. प्रदीर्घ कालावधीनंतर स्पर्धेत खेळणाऱ्या आरसीएफच्या नवोदित खेळाडूंनी सुरुवातीपासूनच आक्रमक खेळ केला. पूर्वार्धात लोण देत 14-04 अशी आघाडी घेतल्यानंतर उत्तरार्धातही आणखी एक लोण देत विजय निश्चित केला.
दीप सिंग आणि यश पाटील यांनी चढाई व पकडीमध्ये प्रभावी कामगिरी केली. यापूर्वी आरसीएफने शुभश्री इंटरप्रायझेसचा 27-15 असा पराभव केला होता.
Kho Kho Championship : महाराष्ट्राच्या खो-खोपटूंचा मैदानावर धुमाकूळ; आंध्र, हिमाचलला लोळवले
महिला गटात नवशक्ती स्पोर्ट्स अकादमीने महात्मा फुले स्पोर्ट्सचा 30-09 असा धुव्वा उडवला. दोन्ही डावांत प्रत्येकी एक लोण देत नवशक्तीने वर्चस्व राखले. वीणा थोरात आणि गायत्री देवळेकर यांच्या आक्रमक खेळामुळे संघाला विजय मिळाला. पराभूत संघाकडून अर्पिता साखळेने चांगला खेळ केला.
द्वितीय श्रेणी पुरुष गटात उत्कृष्ट मंडळाने पिछाडीवरून पुनरागमन करत अभिनव मंडळाचा 22-20 असा पराभव केला. विजय स्पोर्ट्स क्लबने धनराज स्पोर्ट्सला 24-14 असे नमवले. माऊली प्रतिष्ठानने जय बजरंग सेवावर 31-16 अशी मात केली, तर जय महाराष्ट्रने सक्षम मंडळाचा 27-11 असा पराभव केला.
या स्पर्धेमुळे मुंबई उपनगरातील कबड्डीपटूंना आपले कौशल्य दाखवण्याची संधी मिळत असून, पुढील फेरीतील सामन्यांकडे क्रीडाप्रेमींचे लक्ष लागले आहे.
Ans: विक्रोळी पश्चिम येथील कैलास कॉम्प्लेक्स रोडवरील महापालिका मैदानात ही स्पर्धा सुरू आहे.
Ans: आरसीएफने व्यावसायिक गटात उपांत्य फेरीत प्रवेश केला.
Ans: दीप सिंग आणि यश पाटील यांनी चढाई व पकडीमध्ये प्रभावी खेळ केला.






