Cripsy Jalebi Recipe : ही रेसिपी फाॅलो करा आणि अशाप्रकारे बनवा हलवाई स्टाईल ‘कुरकुरीत गोड जलेबी’

Recipe : जलेबी हा भारतीय गोडाचा पदार्थ असून याची चव लहानांपासून मोठ्यांपर्यंत सर्वांनाच आवडते. तुम्ही कमी वेळात टेस्टी आणि कुरकुरीत अशी जलेबी तयार करु शकता. चला याची रेसिपी नोट करुन घेऊयात.

(फोटो सौजन्य: Pinterest)

Follow Us:

Follow Us:

• जलेबी हा भारताचा एक लोकप्रिय मिष्टान्न आहे.
• हा पदार्थ नेहमीच आपण विकत घेऊन खातो.
• पण यावेळी ही डिश तुम्ही घरी बनवून ट्राय करु शकता.

Ragi Recipe: वाटीभर नाचणीच्या पिठापासून बनवा मऊ जाळीदार इडली, रक्तातील साखर नियंत्रणात राहण्यासोबतच हाडे राहतील मजबूत

साहित्य

जिलेबीच्या पिठासाठी :

• मैदा – १ कप
• कॉर्नफ्लोअर – २ टेबलस्पून
• दही – २ टेबलस्पून
• हळद किंवा केशरी फूड कलर – चिमूटभर
• पाणी – आवश्यकतेनुसार
• तूप किंवा तेल – तळण्यासाठी

• साखर – १ कप
• पाणी – अर्धा कप
• वेलची पूड – चिमूटभर
• लिंबाचा रस – अर्धा चमचा
• केशर – काही काड्या, ऑप्शनल

कृती

• एका भांड्यात मैदा, कॉर्नफ्लोअर आणि दही घ्या. त्यामध्ये थोडे थोडे पाणी घालत गुठळ्या होणार नाहीत अशा पद्धतीने पीठ फेटून घ्या. पीठ ना खूप पातळ असावे ना खूप घट्ट. त्यात हळद किंवा थोडासा केशरी रंग घालून एकजीव करा.
• तयार केलेले पीठ झाकून साधारण ८ ते १० तास किंवा शक्य असल्यास रात्रभर उबदार ठिकाणी ठेवा. पीठ थोडे आंबल्यामुळे जिलेबीला चांगली चव आणि योग्य पोत मिळतो.
• कढईत साखर आणि पाणी घेऊन मध्यम आचेवर उकळवा. साखर पूर्णपणे विरघळल्यानंतर पाक थोडा चिकट होईपर्यंत उकळा. त्यात वेलची पूड आणि लिंबाचा रस घाला. पाक खूप घट्ट करू नका.
• आंबलेले पीठ एकदा व्यवस्थित फेटून घ्या. पीठ घट्ट वाटत असल्यास अगदी थोडे पाणी घाला. जिलेबी काढण्यासाठी पीठ सॉसच्या बाटलीत किंवा टोकाला छोटं छिद्र असलेल्या पाइपिंग बॅगमध्ये भरा.
• कढईत तेल किंवा तूप गरम करा. आच मध्यम ते मंद ठेवा. बाटली दाबत गोलाकार फिरवत जिलेबीचे आकार तयार करा. जिलेबी दोन्ही बाजूंनी सोनेरी आणि कुरकुरीत होईपर्यंत तळा.
• तळलेल्या गरम जिलेबी काढून लगेच कोमट साखरेच्या पाकात टाका. साधारण ३० ते ४५ सेकंद जिलेबी पाकात राहू द्या आणि नंतर बाहेर काढा. यामुळे जिलेबीमध्ये गोडवा व्यवस्थित मुरतो.
• तयार जिलेबी ताटात काढा. ती गरमागरम किंवा कोमट सर्व्ह केल्यास कुरकुरीत पोत आणि गोड पाकाची चव अधिक छान लागते. इच्छेनुसार जिलेबीसोबत रबडीही सर्व्ह करू शकता.

Web Title: How to make halwai style crispy and sweet jalebi at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com