सकाळचा नाश्ता होईल आणखीनच स्पेशल! झटपट बनवा हॉटेल स्टाईल महागडे हरभरा कबाब, नोट करा रेसिपी

सकाळच्या नाश्त्यात प्रत्येकाला काहींना काही चमचमीत आणि टेस्टी पदार्थ खायचा असतो. म्हणूनच आज आम्ही तुम्हाला सोप्या पद्धतीमध्ये हराभरा कबाब बनवण्याची सोपी रेसिपी सांगणार आहोत.

सकाळी उठल्यानंतर सगळ्यात आधी पडणारा प्रश्न म्हणजे नाश्त्यासाठी नेमकं काय बनवावं. नाश्त्यात बऱ्याच घरांमध्ये बाहेरून विकत आणलेले पदार्थ खाल्ले जातात. तिखट किंवा तेलकट पदार्थ नाश्त्यात खाल्ल्यामुळे पोटात ऍसिडिटी किंवा अपचनाच्या समस्या वाढण्याची शक्यता असते. त्यामुळे नाश्त्यात नेहमीच घरी बनवलेले पदार्थ खावेत. घरी बनवलेले पौष्टिक पदार्थ आरोग्यासाठी गुणकारी ठरतात. सकाळच्या वेळी पोटभर नाश्ता केल्यास संपूर्ण दिवस आनंद आणि उत्साहामध्ये जातो. याशिवाय शरीराला सुद्धा अनेक फायदे होतात. म्हणूनच आज आम्ही तुम्हाला हॉटेल स्टाईल हराभरा कबाब बनवण्याची सोपी रेसिपी सांगणार आहोत. हॉटेलमध्ये जेवायला गेल्यानंतर सगळ्यात आवडीने खाल्ला जाणारा पदार्थ म्हणजे हराभरा कबाब. हा पदार्थ हिरवी चटणी किंवा सॉस सोबत खाल्ला जातो. चला तर जाणून घेऊया हराभरा कबाब बनवण्याची सोपी रेसिपी.(फोटो सौजन्य – pintrest)

दूध न आटवता १० मिनिटांमध्ये झटपट बनवा घट्ट-रवाळ रबडी! पुरीसोबत लागेल सुंदर चव

साहित्य:

• पालक
• मटार
• हिरवी मिरची
• कोथिंबीर
• आलं लसूण पेस्ट
• पनीर
• बटाटा
• लाल तिखट
• ब्रेड क्रम्स
• जिरे धणे पावडर
• तेल
• आमचूर पावडर

दुपारच्या जेवणात काय बनवावं सुचत नाही? मग सोप्या पद्धतीमध्ये बनवा ज्वारीचे पिठाचे चविष्ट थालीपीठ

कृती:

• हराभरा कबाब बनवण्यासाठी सर्वप्रथम, बटाटा आणि मटार कुकरमधून शिजवून घ्या.
• मोठ्या वाटीमध्ये शिजवून घेतलेला बटाटा आणि मटार एकत्र घेऊन मॅश करा. मॅश करून झाल्यानंतर त्यात आलं लसूण पेस्ट आणि हिरवी मिरची कोथिंबीर पेस्ट घालून मिक्स करा.
• मटार तुम्ही मिक्सरच्या भांड्यात टाकून बारीक सुद्धा करू शकता. यामुळे मटार व्यवस्थित बारीक मॅश होतील.
• त्यानंतर त्यात चवीनुसार मीठ, किसलेले पनीर, जिरे धणे पावडर, आमचूर पावडर घालून व्यवस्थित मिक्स करा. नंतर त्यात मिक्सरच्या भांड्यात बारीक करून घेतलेले ब्रेड क्रम्स घालून व्यवस्थित मिक्स करा.
• कबाब बनवण्यासाठी पीठ तयार झाल्यानंतर छोट्या छोट्या टिक्की बनवून वरती काजूचा बारीक तुकडा लावून ठेवा.
• पॅनमधील गरम तेलात तयार केलेला हरभरा कबाब दोन्ही बाजूने व्यवस्थित भाजून घ्या.
• तयार आहे सोप्या पद्धतीमध्ये बनवलेला हराभरा कबाब.