दुपारच्या जेवणात काय बनवावं सुचत नाही? मग सोप्या पद्धतीमध्ये बनवा ज्वारीचे पिठाचे चविष्ट थालीपीठ

दुपारच्या जेवणात नेहमीच डाळभात किंवा ठराविक तेच तेच पदार्थ खाऊन कंटाळा आल्यास तुम्ही सोप्या पद्धतीमध्ये ज्वारीच्या पिठाचे थालीपीठ बनवू शकता. ज्वारीचे थालीपीठ चवीसह आरोग्यासाठी सुद्धा पौष्टिक आहे.

सोप्या पद्धतीमध्ये बनवा ज्वारीचे पिठाचे चविष्ट थालीपीठ

Follow Us:

Follow Us:

रोजच्या आहारात नेहमीच सात्विक आणि हेल्दी पदार्थांचे सेवन करावे. दुपारच्या जेवणात भात, डाळ, चपाती, भाजी इत्यादी पदार्थ खाल्ले जातात. डाळ भात पचनासाठी अतिशय हलका पदार्थ आहे.तसेच दुपारच्या जेवणात नेहमीच पौष्टिक पदार्थांचे सेवन करावे. म्हणूनच आज आम्ही तुम्हाला ज्वारीच्या पिठाचे थालीपीठ बनवण्याची सोपी रेसिपी सांगणार आहोत. थंडीच्या दिवसांमध्ये आहारात वेगवेगळ्या कडधान्यांपासून बनवलेल्या पौष्टिक पदार्थांचे सेवन करावे.ज्वारी आरोग्यासाठी अतिशय गुणकारी आहे. ज्वारीमध्ये फायबर, प्रथिने, लोह, आणि इतर आवश्यक पोषक तत्वे भरपूर प्रमाणात आढळून येतात. ज्यामुळे सकाळच्या नाश्त्यात किंवा इतर वेळी तुम्ही ज्वारीच्या पिठापासून बनवलेले थालीपीठ खाऊ शकता. मधुमेह असलेल्या रुग्णांनी आहारात कोणत्याही गोड किंवा तांदळाच्या पदार्थांचे सेवन न करता ज्वारी किंवा नाचणीच्या पिठाची भाकरी खावी. चला तर जाणून घेऊया ज्वारीचे थालीपीठ बनवण्याची सोपी रेसिपी.(फोटो सौजन्य – istock)

चॉकलेट प्रेमींसाठी खास! घरीच सोप्या पद्धतीने बनवा थंडगार आणि गोडसर Chocolate Ice Cream

साहित्य:

• ज्वारीचे पीठ
• कांदा
• हिरवी मिरची
• पाणी
• जिऱ्याची पावडर
• गाजर
• दही
• तेल
• आलं लसूण पेस्ट
• हळद
• लाल तिखट
• जिऱ्याची पावडर

कृती:

• ज्वारीच्या पिठाचे थालीपीठ बनवण्यासाठी सर्वप्रथम, मोठ्या बाऊलमध्ये ज्वारीचे पीठ घेऊन त्यात चवीनुसार मीठ, आलं लसूण पेस्ट आणि बारीक चिरलेला कांदा घालून मिक्स करा.
• नंतर त्यात किसून घेतलेला गाजर,लाल तिखट, जिऱ्याची पावडर, हळद, दही आणि थोडेसे पांढरे तीळ घालून मिक्स करून घ्या.
• सर्व पदार्थ व्यवस्थित मिक्स झाल्यानंतर त्यात आवश्यकतेनुसार पाणी घालून मिक्स करून घ्या. तयार केलेले थालीपीठाचे मिश्रण जास्त पातळ करू नये.
• तवा गरम करून त्यावर सगळीकडे तेल पसरवून घ्या. त्यानंतर ओल्या केलेल्या कॉटनच्या कपड्यावर थालीपिठाचा गोळा घेऊन गोलाकार थालीपीठ थापून घ्या.
• तव्यावर थालीपीठ टाकून सगळीकडे तेल सोडून दोन्ही बाजूने व्यवस्थित भाजून घ्या. तयार आहे सोप्या पद्धतीमध्ये बनवलेले ज्वारीच्या पिठाचे खमंग थालीपीठ.

Web Title: How to make jowar thalipith at home maharashtrain food recipe cooking tips

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com