मिरचीचा ठेचा खाऊन कंटाळा आला आहे? मग बनवून पहा ओल्या हरभऱ्याचा झणझणीत ठेचा

भाकरी किंवा चपाती बनवल्यानंतर घरी भाजी नसेल तेव्हा ठेचा बनवला जातो. मिरचीचा ठेचा लहान मुलांपासून मोठ्यांपर्यंत सगळ्यांचं आवडतो. पण काही वेळा सतत तिखट आणि तेलकट पदार्थ खाऊन पोट बिघडण्याची शक्यता असते. त्यामुळे कमी तिखट आणि पचनास हलक्या असलेल्या पदार्थामध्ये तुम्ही ओल्या हरभऱ्याचा ठेचा बनवू शकता. हा ठेचा बनवण्यासाठी फार कमी वेळ लागतो.

५ मिनिटांमध्ये बनवा ओल्या हरभऱ्याचा ठेचा

Follow Us:

Follow Us:

जेवणाची चव वाढवण्यासाठी अनेकदा घरी मिरचीचा ठेचा बनवला जातो. पण सतत तोच तोच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. भाकरी किंवा चपाती बनवल्यानंतर घरी भाजी नसेल तेव्हा ठेचा बनवला जातो. मिरचीचा ठेचा लहान मुलांपासून मोठ्यांपर्यंत सगळ्यांचं आवडतो. पण काही वेळा सतत तिखट आणि तेलकट पदार्थ खाऊन पोट बिघडण्याची शक्यता असते. त्यामुळे कमी तिखट आणि पचनास हलक्या असलेल्या पदार्थामध्ये तुम्ही ओल्या हरभऱ्याचा ठेचा बनवू शकता. हा ठेचा बनवण्यासाठी फार कमी वेळ लागतो. ओले हरभरे आरोग्यासाठी गुणकारी आहेत. ओल्या हरभऱ्याचे सेवन केल्यामुळे पचनक्रिया सुधारण्यास मदत होते. तसेच वजन नियंत्रणात राहते चला तर जाणून घेऊया ओल्या हरभऱ्याचा ठेचा बनवण्याची सोपी कृती.

साहित्य:

• ओले हरभरे
• हिरव्या मिरच्या
• कोथिंबीर
• जिरं
• आलं लसूण पेस्ट
• मीठ
• तेल
• कांदा
• कढीपत्त्याची पाने

हे देखील वाचा: अनेक आजारांवर गुणकारी आहे किचनमधील हा पदार्थ

कृती:

• ओल्या हरभऱ्याचा ठेचा बनवण्यासाठी सर्वप्रथम ओले हरभरे साफ करून भाजून घ्या. त्यानंतर गॅसवर तवा किंवा कढई गरम करण्यासाठी ठेवा.
• तवा गरम झाल्यानंतर त्यात तेल टाकून ओले हरभरे आणि लसूण टाकून भाजून घ्या. त्यानंतर चमच्याने जाडसर पेस्ट बनवा.
• फोडणी बनवण्यासाठी तेल टाकून त्यात जिरे, कढीपत्ता, आलं-लसूण पेस्ट आणि कांदा घालून परतून घ्या. त्यामध्ये चवीनुसार मीठ टाकून मिक्स करा.
• कांदा लाल झाल्यानंतर त्यात हिरव्या मिरच्या टाकून मिक्स करून घ्या.
• नंतर त्यात तयार केलेली हरभऱ्याची पेस्ट टाकून मिक्स करा. ५ मिनिटं झाकण ठेवून त्यात मीठ आणि कोथिंबीर टाकून मिक्स करा.
• तयार आहे सोप्या पद्धतीमध्ये बनवलेला ओल्या हरभऱ्याचा ठेचा.

Web Title: How to make harbhrayacha thecha at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com