संध्याकाळची हलकीशी भूक भागवण्यासाठी घरी बनवा High Protein Salad, झटपट तयार होईल पदार्थ

संध्याकाळी भूक लागल्यानंतर कोणत्याही तेलकट किंवा तिखट पदार्थांचे सेवन करण्याऐवजी तुम्ही हाय प्रोटीन सॅलड खाऊ शकता. आरोग्याच्या दृष्टीने हे सॅलड अतिशय पौष्टिक आहे. चला तर जाणून घेऊया सॅलड बनवण्याची रेसिपी.

संध्याकाळी सगळ्यांचं हलकीशी भूक लागते. भूक लागल्यानंतर नेमकं काय खावं? हे अनेकांना सुचत नाही. कामावरून थकून घरी आल्यानंतर किंवा इतर वेळी बाहेरून जाऊन आल्यानंतर काहींना काही खाण्याची इच्छा होते. अशावेळी अनेक लोक बाहेरून विकत आणलेले पदार्थ खातात. मात्र नेहमी नेहमी बाहेरचे तेलकट किंवा तिखट पदार्थ खाण्याऐवजी घरगुती बनवलेलं पौष्टिक पदार्थ खावेत. सॅलड, स्मूदी किंवा फळांचे सेवन करणे आरोग्यासाठी अतिशय फायदेशीर आहे. त्यामुळे आज आम्ही तुम्हाला हाय प्रोटीन सॅलड बनवण्याची सोपी रेसिपी सांगणार आहोत. पदार्थ चवीला अतिशय सुंदर लागतो. याशिवाय आरोग्यासाठी प्रोटीन सॅलड अतिशय पौष्टिक आणि हेल्दी आहे. चला तर जाणून घेऊया हाय प्रोटीन सॅलड बनवण्याची सोपी रेसिपी. हा पदार्थ बनवण्यासाठी खूप कमी वेळ लागतो.(फोटो सौजन्य – iStock)

शेवग्याचे सूप आरोग्यासाठी गुणकारी! ‘या’ पद्धतीने घरी बनवा पौष्टिक सूप, हाडं राहील कायम मजबूत

साहित्य:

• उकडलेले चणे
• उकडलेले कबुली चणे
• कांदा
• टोमॅटो
• हिरवी मिरची
• लिंबाचा रस
• काकडी
• चाट मसाला
• ऑलिव्ह तेल
• काळ मीठ
• काळीमिरी पावडर
• पनीर

तापत्या उन्हात शरीर थंड ठेवण्यासाठी रूजुता दिवेकरांनी सांगितले ‘हे’ थंडगार पदार्थ, नियमित करा सेवन

कृती:

• हाय प्रोटीन सॅलड बनवण्यासाठी सर्वप्रथम, भिजवून घेतलेली कडधान्य स्वच्छ साफ करून घ्या. त्यानंतर गरम पाण्यात टाकून ५ मिनिटं सर्व कडधान्य उकळवून घ्या.
• यामध्ये तुम्ही चणे, कबुली चणे, मटकी, मूग याशिवाय तुम्हाला हवे असलेले सर्व कडधान्य घेऊ शकता.
• मोठ्या वाटीमध्ये बारीक चिरून घेतलेला कांदा, टोमॅटो आणि हिरवी मिरची टाकून मिक्स करा. नंतर त्यात बारीक चिरलेली काकडी टाका.
• भाज्या मिक्स करून झाल्यानंतर त्यात उकडवून घेतलेले कडधान्य टाकून मिक्स करून घ्या. नंतर त्यात चवीनुसार काळ मीठ, चाट मसाला, काळीमिरी पावडर आणि पनीरचे बारीक तुकडे टाकून मिक्स करा.
• सगळ्यात शेवटी वरून लिंबाचा रस टाकून मिक्स करा. तयार आहे सोप्या पद्धतीमध्ये बनवलेले हाय प्रोटीन सॅलड.