आंबट गोड चवीचा पदार्थ! १० मिनिटांमध्ये झटपट बनवा चटकदार चिंच कँडी, नोट करून घ्या रेसिपी

चिंच कँडी पाहिल्यानंतर सगळ्यांचं लहानपणीची आठवण होते. आंबटगोड चवीची कँडी पाहिल्यानंतर सगळ्यांच्या तोंडाला पाणी सुटते. चला तर जाणून घेऊया आंबटगोड चिंच कँडी बनवण्याची रेसिपी.

लहान मुलांपासून ते अगदी मोठ्यांपर्यंत सगळ्यांचं आंबटगोड चिंच खायला खूप जास्त आवडतात. चिंच पाहिल्यानंतर सगळ्यांच्या तोंडाला पाणी सुटते. चिंचपासून अनेक वेगवेगळे पदार्थ बनवले जातात. कधी चिंच आमटी तर कधी चिंचाचा वापर करून माशांचा रस्सा बनवला जातो. चिंच केवळ चवीसाठीच नाहीतर शरीरासाठी सुद्धा खूप जास्त फायदेशीर आहेत. लहानपणी शाळेच्या बाहेर मिळणारी चिंच कँडी सगळ्यांची आवडीने खाल्ली असेल. चिंच आणि चाट मसाल्याचा वापर करून बनवलेला हा पदार्थ प्रत्येकाने लहान वयात नक्कीच खाल्ला असेल. पण हल्ली बाजारात मिळणारी चिंच कँडी प्रिझर्वेटिव्ह आणि जास्त साखरेचा वापर करून बनवली जाते. त्यामुळे स्वयंपाक घरातील पदार्थांचा वापर करून झटपट तुम्ही चिंच कँडी बनवू शकता. हा पदार्थ महिनाभर व्यवस्थित टिकून राहतो, याशिवाय चव सुद्धा खूप चांगली लागते. चला तर जाणून घेऊया चिंच कँडी बनवण्याची सोपी रेसिपी.(फोटो सौजन्य – pinterest)

Skin Care Tips: सुंदर दिसण्यासाठी नियमित खा लाल फळांपासून बनवलेली चटकदार जेली, चेहऱ्यावर येईल चमकदार ग्लो

साहित्य:

• चिंच
• गूळ
• चाट मसाला
• पाणी
• मीठ
• काळे मीठ
• जिऱ्याची पावडर
• लाकडी चमचा
• तेल

Recipe : उरलेल्या शिळ्या भाताला फेकू नका, त्यापासून बनवा कुरकरीत भजी, रेसिपी नोट करा

कृती:

• चिंच कँडी बनवण्यासाठी सर्वप्रथम, चिंचेच्या आतील बिया काढून घ्या. पॅन गरम करण्यासाठी ठेवा.
• पॅन गरम झाल्यानंतर त्यात पाणी घालून एक उकळी काढून त्यात सोलून घेतलेली चिंच घाला आणि चमच्याने सतत मिक्स करत राहा.
• चिंच वाफेवर शिजल्यानंतर मऊ होण्यास सुरुवात होईल. त्यानंतर चिंच पाण्यात पूर्णपणे विरघळून घट्ट झाल्यानंतर गॅस बंद करा.
• गाळणीच्या मदतीने चिंच गाळून घ्या. त्यातील बिया आणि इतर बारीक तुकडे पूर्णपणे वितळून जातील.
• पॅनमध्ये तयार केलेला चिंच रस घालून चमच्याने सतत मिक्स करत राहा. त्यानंतर त्यात गूळ, चवीनुसार मीठ, काळे मीठ, चाट मसाला आणि जिऱ्याची पावडर घालून मंद आचेवर शिजवा.
• स्टीलच्या ताटाला तेल लावून त्यावर तयार केलेले चिंचेचे मिश्रण ओतून लाकड्याच्या चमच्याने लावून घ्या.
• तयार आहे सोप्या पद्धतीमध्ये बनवलेली आंबटगोड चिंच कँडी.