रात्री उशिरा गोड पदार्थ खाण्याची इच्छा झाल्यास झटपट बनवा इन्स्टंट चॉकलेट पुडिंग, नोट करून घ्या रेसिपी

लहान मुलांपासून अगदी मोठ्यांपर्यंत सगळ्यांचं चॉकलेट खायला खूप जास्त आवडते. त्यामुळे रात्री उशिरा गोड पदार्थ खाण्याची इच्छा झाल्यास झटपट तुम्ही चॉकलेट पुडिंग बनवू शकता.

बऱ्याचदा रात्री उशिरा काहींना काही गोड पदार्थ खाण्याची इच्छा होते. लहान मुलांपासून ते अगदी मोठ्यांपर्यंत सगळ्यांचं चॉकलेट खायला खूप जास्त आवडते. अशावेळी चॉकलेट किंवा इतर गोड पदार्थ खाल्ले जातात. पण नेहमी तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. त्यामुळे आज आम्ही तुम्हाला सोप्या पद्धतीमध्ये इन्स्टंट चॉकलेट पुडिंग बनवण्याची सोपी रेसिपी सांगणार आहोत. स्वयंपाक घरात उपलब्ध असलेल्या पदार्थांपासून तुम्ही झटपट इन्स्टंट चॉकलेट पुडिंग बनवू शकता. नेहमीच विकतचे तेलकट आणि तिखट पदार्थ खाण्याची सवय झाल्यानंतर घरातील पदार्थ खाण्याची अजिबात इच्छा होत नाही. त्यामुळे जमेल तितके घरी बनवलेले पौष्टिक आणि ताजे अन्नपदार्थ खावेत. लहान मुलांनासुद्धा तुम्ही चॉकलेट पुडिंग खाण्यास देऊ शकता. चला तर जाणून घेऊया रेसिपी.(फोटो सौजन्य – istock)

लहान मुलांसह मोठ्यांसाठी पोट भरेल असा पौष्टिक पदार्थ! १० मिनिटांमध्ये झटपट बनवा चविष्ट बदामशेक

साहित्य:

• दूध
• चॉकलेट
• साखर
• कॉर्नफ्लोअर
• कोको पावडर
• बटर
• व्हॅनिला एसेन्स

Recipe : उरलेल्या शिळ्या डाळीपासून बनवता येतील चटकदार अन् खमंग पराठे, एकदा खाल तर पुन्हा बनवाल

कृती:

• चॉकलेट पुडिंग बनवण्यासाठी सर्वप्रथम, वाटीमध्ये कोको पावडर, कॉर्नफ्लोअर आणि साखर घालून मिक्स करा. त्यानंतर त्यात दूध घालून पातळ पेस्ट तयार करा.
• पँनमध्ये दूध गरम करण्यासाठी ठेवा. दुधाला एक उकळी आल्यानंतर गॅस बारीक करून त्यात तयार केलेली पेस्ट घालून सतत मिक्स करत राहा.
• कोको आणि कॉर्नफ्लोअर पेस्ट पूर्णपणे आटल्यानंतर त्यानंतर बटर आणि व्हॅनिला एसेन्स घालून व्यवस्थित मिक्स करा.
• तयार केलेले मिश्रण पूर्णपणे घट्ट झाल्यानंतर वाटीमध्ये काढून घ्या. त्यानंतर त्यात चॉकलेट सिरप किंवा चॉकलेट चिप्स टाकून सर्व्ह करा.
• तयार आहे सोप्या पद्धतीमध्ये बनवलेले चॉकलेट पुडिंग. हा पदार्थ लहान मुलांना खूप जास्त आवडेल.