उन्हाळ्याच्या सुट्टीमध्ये लहान मुलांसाठी साखरेचा वापर न करता बनवा ज्वारीचे मफिन्स, हेल्दी टेस्टी रेसिपी

रोजच्या आहारात साखर आणि मैद्यापासून तयार केलेल्या पदार्थांचे सेवन करण्याऐवजी घरी बनवलेल्या पौष्टिक आणि हेल्दी मफीन्सचे सेवन करावे. आज आम्ही तुम्हाला ज्वारीचे मफिन्स बनवण्याची सोपी रेसिपी सांगणार आहोत.

उन्हाळा सुरु झाल्यानंतर शाळेतील लहान मुलांना सुट्ट्या लागतात. सुट्ट्या चालू झाल्यानंतर अनेकदा मुलं घरी असल्यानंतर बाहेरील पदार्थ खाण्याचा हट्ट करतात. केक, तेलकट किंवा चमचमीत पदार्थ खाण्याची इच्छा सगळ्यांचं होते. मात्र नेहमी नेहमी बाहेरील पदार्थांचे सेवन केल्यामुळे आरोग्याला हानी पोहचण्याची शक्यता असते. अशावेळी तुम्ही मुलांना साखरेचा वापर न करता ज्वारीच्या पिठाचे मफिन्स बनवून खाण्यास देऊ शकता. लहान मुलांसह अगदी मोठ्यांपर्यंत सगळ्यांचं मफिन्स खायला खूप आवडतात. बाजारात मिळणाऱ्या मफिन्समध्ये साखर आणि मैद्याचा जास्त प्रमाणात वापर केला जातो. अतिसाखरेचे पदार्थ खाणे आरोग्यासाठी अतिशय हानिकारक आहेत. त्यामुळे दैनंदिन आहारात कमीत कमी साखरयुक्त पदार्थांचे सेवन करावे. आज आम्ही तुम्हाला सोप्या पद्धतीमध्ये ज्वारीचे मफिन्स बनवण्याची सोपी रेसिपी सांगणार आहोत. चला तर जाणून घेऊया रेसिपी.(फोटो सौजन्य – iStock)

Summer Drink: कडक उन्हाळ्यात शरीराला थंडावा देण्यासाठी घरी बनवा काकडी-कलिंगड स्मुदी, पचनक्रिया राहील निरोगी

साहित्य:

• ज्वारीचे पीठ
• गूळ पावडर
• इसेंन्स
• बेकिंग पावडर
• दूध
• दही
• चॉको चिप्स
• अक्रोड
• सोडा

सकाळच्या नाश्त्यासाठी सोप्या पद्धतीमध्ये बनवा ‘ड्राय-फ्रुट्स मिल्कशेक’, लहान मुलांसह मोठ्यांनाही आवडेल पदार्थ

कृती:

• ज्वारीच्या पिठाचे मफिन्स बनवण्यासाठी, मोठ्या वाटीमध्ये तेल घेऊन त्यात गूळाची पावडर, इसेन्स टाकून व्यवस्थित फेटून घ्या.
• त्यानंतर दही आणि दूध घालून पुन्हा एकदा मिक्स करा. नंतर त्यात ज्वारीचे पीठ, बेकिंग पावडर आणि बेकिंग सोडा घालून व्यवस्थित फेटून घ्या.
• मफीन्सचे मिश्रण व्यवथित फेटून झाल्यानंतर मफिन्सच्या भांड्याला बटर लावून त्यात मिश्रण टाका.
• वरून बारीक तुकडे करून घेतलेले अक्रोड आणि चॉको चिप्स टाका.
• मफिन्स बेक होण्यासाठी ओव्हनमध्ये ठेवून १८० डिग्रीवर २० मिनिटे प्रीहिट करून घ्या.
• तयार आहेत सोप्या पद्धतीमध्ये बनवलेले ज्वारीच्या पिठाचे हेल्दी टेस्टी मफिन्स