सकाळच्या नाश्त्यासाठी सोप्या पद्धतीमध्ये बनवा ‘ड्राय-फ्रुट्स मिल्कशेक’, लहान मुलांसह मोठ्यांनाही आवडेल पदार्थ

सकाळच्या नाश्त्यासाठी तुम्ही सोप्या पद्धतीमध्ये ड्राय फ्रुट मिल्कशेक बनवू शकता. मिल्कशेक बनवण्यासाठी जास्त वेळ लागत नाही. तसेच हे मिल्कशेक आरोग्याच्या दृष्टीने अतिशय पौष्टिक आणि हेल्दी आहे.

सकाळच्या नाश्त्यासाठी सोप्या पद्धतीमध्ये बनवा 'ड्राय-फ्रुट्स मिल्कशेक'

Follow Us:

Follow Us:

सकाळच्या नाश्त्यात लहान मुलांसह अगदी मोठ्यांना नेहमी नेहमी काय खायला द्यावं? हा प्रश्न सगळ्यांचं पडतो. अशावेळी तुम्ही नाश्त्यासाठी ड्राय फ्रुट मिल्कशेक बनवू शकता. निरोगी आरोग्यासाठी सकाळी उठल्यानंतर ड्राय फ्रूटचे सेवन करणे आरोग्यासाठी अतिशय फायदेशीर आहे. काजू, बदाम, अंजीर, पिस्ता इत्यादी ड्राय फ्रुटचे सेवन केल्यामुळे शरीराला ऊर्जा मिळते आणि शरीरात वाढलेला थकवा अशक्तपणा कमी होऊन जातो. अनेक लोक वाढलेला वजन कमी करताना सकाळचा नाश्ता करणे टाळतात. मात्र असे न करता सकाळच्या नाश्त्यात ड्राय फ्रुट, स्मूदी किंवा मिल्कशेक प्यावे. यामुळे दीर्घकाळ पोट भरलेले राहते आणि लवकर भूक लागत नाही. चला तर जाणून घेऊया ड्राय फ्रुट मिल्कशेक बनवण्याची सोपी रेसिपी.(फोटो सौजन्य – iStock)

उन्हाळ्यात शरीरासाठी फायदेशीर ठरेल थंडगार बीटची कांजी! पारंपारिक पद्धतीने तयार करा पेय

साहित्य:

• काजू
• बदाम
• अंजीर
• दूध
• अक्रोड
• साखर
• पिस्ता
• खजूर

कृती:

• ड्राय फ्रुट मिल्कशेक बनवण्यासाठी सर्वप्रथम, खजूर कापून त्यातील बिया वेगळ्या काढून दुधात टाकून ठेवा.
• वाटीमध्ये गरम पाणी घेऊन त्यात काजू, बदाम, अक्रोड, अंजीर आणि पिस्ता टाकून पाण्यात भिजवत ठेवा.
• मिक्सरच्या भांड्यात भिजवून घेतलेले सर्व ड्रायफ्रूट टाकून बारीक वाटून घ्या. त्यानंतर त्यात दुधात भिजवत ठेवलेले खजूर टाकून पुन्हा एकदा वाटून घ्या.
• त्यानंतर सगळ्यात शेवटी आवश्यकतेनुसार दूध आणि साखर टाकून मिक्स करून घ्या. तयार करून घेतलेले मिल्कशेक ग्लासात काढून सर्व्ह करा.
• तयार आहे सोप्या पद्धतीमध्ये बनवा ड्रायफ्रूट मिल्कशेक.

Web Title: How to make dryfruits milkshake at home benefits of eating dryfruits

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com