कोकणातील पारंपरिक पदार्थाने करा गणपती सणाची सुरुवात! सोप्या पद्धतीमध्ये घरी बनवा काकडीचा गोड धोंडस

कोकणातील प्रत्येक गावी गणपतीच्या दिवसांमध्ये बाप्पाच्या नैवेद्यासाठी काकडीचे धोंडस बनवले जातात. हा पदार्थ सगळ्यांचं खूप जास्त आवडतो. म्हणूनच आज आम्ही तुम्हाला काकडीचे धोंडस बनवण्याची सोपी रेसिपी सांगणार आहोत.

श्रावण महिन्याला सुरुवात झाल्यानंतर अतिशय आवडीने वाट पहिला जाणारा सण म्हणजे गणेशोत्सव. गणपती बाप्पाच्या आगमनाची सगळीकडे चाहूल लागली आहे. बाप्पाच्या स्वागताची मोठ्या जलौषात तयार केली जात आहे. गणपती उत्सवामध्ये कोकणात अनेक वेगवेगळे पारंपरिक पदार्थ बनवले जातात. कोकणातील पारंपरिक पदार्थ जगभरात सगळीकडे प्रसिद्ध आहेत. गणपती उत्सवात अतिशय आवडीने बनवला जाणारा पदार्थ म्हणजे काकडीचे धोंडस. धोंडस हा केवळ पदार्थ नसून कोकणाशी असलेले अतूट नाते आहे. तांदळाचे पीठ, काकडी आणि गुळाचा वापर करून बनवलेला पदार्थ चवीला अतिशय सुंदर लागतो. पण बऱ्याचदा धोंडस बनवताना चुका होतात. वाफेवर शिजवला जाणारा पदार्थ लहान मुलांपासून अगदी मोठ्यांपर्यंत सगळ्यांचं खूप जास्त आवडतो. याशिवाय काकडीपासून बनवलेले धोंडास बाप्पाच्या नैवेद्यातील प्रमुख पदार्थ आहे. चला तर जाणून घेऊया काकडीचे धोंडस बनवण्याची सोपी रेसिपी.(फोटो सौजन्य – istock)

Krishna Janmashtami 2025 : कृष्ण जन्माष्टमीनिमित्त घरी बनवा पंजिरी आणि पंचामृताचा खास नैवेद्य; नोट करा पारंपरिक रेसिपी

साहित्य:

• काकडी
• गूळ
• उकडे तांदूळ
• तूप
• खोबऱ्याचा किस
• शेंगदाणे
• वेलची पावडर
• दालचिनी पावडर
• पाणी
• हळदीची पाने

सकाळ होईल आणखीनच स्पेशल! थंडगार वातावरणात झटपट घरी बनवा राजवाडी गरमागरम चहा, नोट करून घ्या रेसिपी

कृती:

• काकडीचे धोंडस बनवण्यासाठी सर्वप्रथम, काकडी स्वच्छ धुवून साल काढून घ्या. त्यानंतर काकडी किसणीवर बारीक किसा.
• मिक्सरच्या भांड्यात शेंगदाणे आणि उकडे तांदूळ जाडेभरडे वाटून घ्या. यामुळे पदार्थाची चव सुंदर लागेल.
• मोठ्या भांड्यात तूप घेऊन त्यात किसलेली काकडी, गूळ हातांच्या सहाय्याने व्यवस्थित मिक्स करून घ्या. त्यानंतर त्यात शेंगदाणे आणि बारीक वाटून घेतलेले तांदूळ टाकून पुन्हा एकदा व्यवस्थित मिक्स करा.
• तयार केलेल्या मिश्रणात ओलं खोबरं, वेलची, दालचिनीची पावडर आणि आवश्यकतेनुसार पाणी घालून व्यवस्थित मिक्स करा.
• त्यानंतर गॅसची फ्लेम वाढवून धोंडस शिजण्यासाठी ठेवून द्या. ७० ते ८० टक्के पदार्थ शिजल्यानंतर वरून हळदीची पाने संपूर्ण भांड्यात पसरवून घ्या.
• त्यानंतर गॅसची फ्लेम मंद आचेवर ठेवून १ तास धोंडस व्यवस्थित शिजवून घ्या. गॅस बंद करून रात्रभर धोंडस तसेच ठेवून द्यावे.
• दुसऱ्या दिवशी सकाळी तयार केलेल्या पदार्थाचे तुम्हाला हवे त्या आकारात तुकडे करून घ्या.
• तयार आहे सोप्या पद्धतीमध्ये बनवलेले काकडीचे धोंडस.