जॅकी श्रॉफने सांगितली झटपट तयार होणारी कांदा भेंडीची चविष्ट भाजी, लहान मुलांसह मोठ्यांही आवडेल पदार्थ

भेंडीची भाजी लहान मुलांना खूप आवडते. या भाजीचे सेवन केल्यामुळे हाडांचे आरोग्य सुधारते. आज आम्ही तुम्हाला अभिनेता जॅकी श्रॉफ सांगितलेली झटपट कांदा भेंडीची भाजी बनवण्याची सोपी रेसिपी सांगणार आहोत.

लहान मुलांपासून अगदी मोठ्यांपर्यंत सगळ्यांचं भेंडीची भाजी खायला खूप आवडते. भेंडीच्या भाजीमध्ये शरीरासाठी आवश्यक पोषक घटकसुद्धा आढळून येतात. त्यामुळे आहारात तुम्ही भेंडीच्या भाजीचे सेवन करू शकता. पण काहींना भेंडीच्या गुळगुळीत पणामुळे भेंडी खायला आवडत नाही. त्यामुळे आज आम्ही तुम्हाला प्रसिद्ध अभिनेता जॅकी श्रॉफने सांगितलेली कांदा भेंडीची चविष्ट भाजी कशी बनवावी, याची सोपी रेसिपी सांगणार आहोत. लहान मुलांना भेंडीची भाजी खायला खूप आवडते. हाडांच्या आरोग्यासाठी भेंडीची भाजी अतिशय पौष्टिक आहे. हाडांमधील वेदना किंवा सूज कमी करण्यासाठी आहारात भेंडी खावी. याशिवाय सकाळी उठल्यानंतर भेंडीचे पाणी प्यायल्यामुळे पचनक्रिया सुधारण्यास मदत होते. पचनाच्या समस्येने त्रस्त असलेल्या लोकांनी आहारात भेंडीची भाजी खावी. चला तर जाणून घेऊया कांदा भेंडीची भाजी बनवण्याची सोपी रेसिपी.(फोटो सौजन्य – iStock)

सकाळच्या नाश्त्यात १५ मिनिटांमध्ये बनवा कुरकुरीत हेल्दी मिश्र भाज्यांचा पराठा, घरातील सगळेच आवडीने खातील

साहित्य:

• कांदा
• भेंडी
• लसूण
• हळद
• मीठ
• कोकम
• मोहरी
• हिंग
• तेल
• लाल तिखट

कच्च्या करवंदांपासून झटपट आणि पारंपरिक पद्धतीमध्ये बनवा आंबटगोड लोणचं, पदार्थाला येईल आजीच्या हाताची चव

कृती:

• कांदा भेंडीची भाजी बनवण्यासाठी सर्वप्रथम, भेंडी स्वच्छ धुवून कपड्याने पुसून घ्या. त्यानंतर देठ काढून चिरून घ्या.
• कढईमध्ये तेल गरम करून त्यात मोहरी, हिंग, जिरे, हळद घालून फोडणी व्यवस्थित भाजा.
• त्यानंतर त्यात बारीक चिरून घेतलेला कांदा, लसूण घालून हलकासा भाजा आणि वरून भेंडी घालून भाजून घ्या.
• यामुळे तिन्ही पदार्थ व्यवस्थित भाजले जातील आणि भेंडीच्या भाजीचा चिकटपणा कमी होईल.
• भेंडी भाजून झाल्यानंतर त्यात लाल तिखट आणि चवीनुसार मीठ घालून व्यवस्थित भाजा आणि त्यात कोकम घालून वाफवून घ्या.
• तयार आहे सोप्या पद्धतीमध्ये बनवलेली कांदा भेंडीची चविष्ट भाजी.