बाजारातील विकतचे श्रीखंड खाऊन कंटाळा आला असेल तर सोप्या पद्धतीमध्ये घरी बनवा केशर श्रीखंड, नोट घ्या रेसिपी

आज आम्ही तुम्हाला सोप्या पद्धतीमध्ये केशर श्रीखंड बनवण्याची सोपी रेसिपी सांगणार आहोत. लहान मुलांपासून अगदी मोठ्यांपर्यंत सगळ्यांचं श्रीखंड खायला खूप जास्त आवडते.

लहान मुलांपासून अगदी मोठ्यांपर्यंत सगळ्यांचं पुरीसोबत श्रीखंड खायला खूप जास्त आवडते. दही, दूध आणि साखरेचा वापर करून बनवलेले श्रीखंड चवीला अतिशय सुंदर लागते. घरात कोणत्याही शुभ प्रसंगी किंवा गोड खाण्याची इच्छा झाल्यास श्रीखंड आणले जाते. पण उत्सवाच्या दिवसांमध्ये बाजारातील गोड पदार्थ बनवताना मोठ्या प्रमाणावर भेसळ केली जाते. भेसळ युक्त पदार्थ खाल्यामुळे आरोग्याला हानी पोहचते. म्हणूनच आज आम्ही तुम्हाला सोप्या पद्धतीमध्ये क्षार श्रीखंड बनवण्याची सोपी रेसिपी सांगणार आहोत. श्रीखंड बनवण्यासाठी जास्तीचा वेळ लागत नाही. कमीत कमी साहित्यामध्ये सोप्या पद्धतीत तुम्ही श्रीखंड बनवू शकता. कायमच शेवयांची खीर, गुलाबजाम किंवा शिरा खाऊन कंटाळा आल्यानंतर तुम्ही पुरीसोबत खाण्यासाठी चविष्ट केशर श्रीखंड बनवू शकता. चला तर जाणून घेऊया केशर श्रीखंड बनवण्याची सोपी रेसिपी.(फोटो सौजन्य: Pinterest)

वयाच्या ७० व्या वर्षी हाड राहतील कायमच मजबूत आणि लवचिक! नियमित करा अळीवाच्या लाडूंचे सेवन, नोट करा रेसिपी

साहित्य:

• दही
• पिठीसाखर
• वेलची पावडर
• सुका मेवा
• केशर
• दूध
• जायफळ पावडर
• गुलाब पाणी

सकाळ करा हेल्दी, सकाळच्या नाश्त्याला कडधान्यांपासून बनवा प्रथिने, जीवनसत्त्वे आणि फायबरने भरलेला चविष्ट चिला

कृती:

• केशर श्रीखंड बनवण्यासाठी सर्वप्रथम, कॉटनच्या कपड्यावर दही ओतून त्यातील पाणी गाळून घ्या. त्यानंतर कपड्याला घट्ट गाठ मारून दह्यातील पाणी नितळण्यासाठी ठेवा.
• दुसऱ्या दिवशी वाटीमध्ये तयार केलेला चक्का चाळणीमध्ये घेऊन व्यवस्थित मॅश करून घ्या. यामुळे दह्यामधील गुठळ्या फुटून जातील.
• त्यानंतर त्यात पिठीसाखर आणि केशर दूध ओतून व्यवस्थित मिक्स करा. मिक्स करून झाल्यानंतर त्यात सुका मेवा आणि जायफळ पावडर घालून मिक्स करा.
• सगळ्यात शेवटी वेलची पावडर आणि जायफळ पावडर टाकून व्यवस्थित मिक्स करा आणि फ्रिजमध्ये १ तासांसाठी ठेवून द्या.
• तयार आहे सोप्या पद्धतीमध्ये बनवलेले केशर श्रीखंड. हा पदार्थ घरातील सगळ्यांचं खूप जास्त आवडेल.