वयाच्या ७० व्या वर्षी हाड राहतील कायमच मजबूत आणि लवचिक! नियमित करा अळीवाच्या लाडूंचे सेवन, नोट करा रेसिपी

आज आम्ही तुम्हाला सोप्या पद्धतीमध्ये अळीव लाडू बनवण्याची सोपी रेसिपी सांगणार आहोत. या पद्धतीने बनवलेले अळीव लाडू चवीला अतिशय सुंदर लागतात. तसेच हाडांच्या निरोगी आरोग्यासाठी कायमच अळीव खावेत.

वयाच्या ७० व्या वर्षी हाड राहतील कायमच मजबूत आणि लवचिक! नियमित करा अळीवाच्या लाडूंचे सेवन

Follow Us:

Follow Us:

वय वाढल्यानंतर महिलांसह पुरुषांमध्ये कंबर दुखणे, गुडघे दुखणे, अंग दुखणे इत्यादी अनेक समस्या उद्भवू लागतात. हाडांमधील कॅल्शियम कमी झाल्यानंतर हाडे दुखतात. अशावेळी आहारात वेगवेगळ्या पदार्थांचे सेवन करून आरोग्याची योग्य काळजी घ्यावी. हाडांमध्ये वाढलेल्या वेदना कमी करण्यासाठी अळीवाच्या बियांचे सेवन करावे. अळीवाच्या बियांपासून अनेक वेगवेगळे पदार्थ बनवले जातात. म्हणूनच आज आम्ही तुम्हाला अळीवाचे लाडू बनवण्याची सोपी रेसिपी सांगणार आहोत.अळीवाच्या बियांमध्ये लोह, कॅल्शियम, प्रथिने आणि फायबर इत्यादी अनेक घटक मोठ्या प्रमाणावर आढळून येतात. याशिवाय महिलांच्या आरोग्यासाठी अळीव वरदान ठरतात. त्यामुळे दैनंदिन आहारात अळीवाच्या बियांचे सेवन करावे. सकाळी उठल्यानंतर नाश्त्यात किंवा इतर वेळी अळीवाच्या लाडूचे सेवन केल्यास पोट दीर्घकाळ भरलेले राहील. चला तर जाणून घेऊया अळीव लाडू बनवण्याची सोपी कृती.(फोटो सौजन्य: Pinterest)

ओल्या खोबऱ्याचा वापर करून झटपट बनवा मऊ लुसलुशीत खोबऱ्याची वडी, जि‍भेवर ठेवताच विरघळेल पदार्थ

साहित्य:

• अळीव बिया
• गूळ
• दूध
• सुका मेवा
• गव्हाचं पीठ
• सुक खोबर
• खसखस
• तूप

कृती:

• अळीवाचे लाडू बनवण्यासाठी सर्वप्रथम, पॅन गरम करून त्यात अळीव बिया हलक्याशा भाजून घ्या. भाजून घेतलेल्या बिया दुधात मिक्स करून भिजत ठेवा.
• चार किंवा पाच तास झाल्यानंतर त्यातील दूध काढून घ्या. अन्यथा लाडू व्यवस्थित वळता येणार नाहीत.
• टोपात पाणी गरम करून त्यात गूळ टाकून पाक तयार करून घ्या. पाक व्यवस्थित शिजल्याशिवाय गॅस बंद करू नये.
• मोठ्या भांड्यात भिजवलेल्या अळीव बिया घेऊन त्यात भाजलेले गव्हाचे पीठ, सुका मेवा, खसखस आणि किसलेलं सुक खोबर टाकून व्यवस्थित मिक्स करून घ्या.
• त्यानंतर त्यात तयार केलेला गुळाचा पाक घालून व्यवस्थित मिक्स करा. त्यानंतर तूप टाकून लाडूचे मिश्रण व्यवस्थित मिक्स करा.
• हातांना तूप लावून तुम्हाला हवे त्या आकाराचे लाडू बनवून घ्या. तयार आहेत सोप्या पद्धतीमध्ये बनवलेले अळीव लाडू.

Web Title: How to make aliv ladoo at home benefits of eating halim healthy food

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com