१० मिनिटांमध्ये झटपट बनवा झणझणीत कोल्हापुरी तिखट चटणी, नोट करून घ्या गावरान पदार्थ

नेहमी त्याच भाज्या आणि कडधान्य खाऊन कंटाळा आल्यानंतर तुम्ही सोप्या पद्धतीमध्ये झणझणीत कोल्हापुरी तिखट चटणी बनवू शकता. हा पदार्थ गरमागरम भाकरी किंवा चपातीसोबत तुम्ही खाऊ शकता. जाणून घेऊया रेसिपी.

महाराष्ट्राच्या वेगवेगळ्या भागात पारंपरिक पद्धतीचा वापर करून चटण्या बनवल्या जातात. शेंगदाण्याची चटणी, जवसाची चटणी, खोबऱ्याची चटणी, कढीपत्त्याची चटणी इत्यादी अनेक वेगवेगळ्या पदार्थांचा वापर करून चटणी बनवली जाते. जेवणाच्या ताटात काहींना रोजच चटणी किंवा लोणचं खाण्याची सवय असते. बऱ्याचदा घरात भाजी बनवली जात नाही. अशावेळी तुम्ही चटणीसोबत भाकरी किंवा चपाती खाऊ शकता. आज आम्ही तुम्हाला १० मिनिटांमध्ये झणझणीत कोल्हापुरी तिखट चटणीबी बनवण्याची सोपी रेसिपी सांगणार आहोत. या पद्धतीने बनवलेली चटणी चवीला अतिशय सुंदर लागते. कोल्हापुरी पद्धतीने बनवलेली चटणी किंवा इतर पदार्थ चवीला अतिशय सुंदर लागतात. तसेच कोल्हापुरी पदार्थ जगभरात सगळीकडे प्रसिद्ध आहेत. भाजलेले शेंगदाणे, लाल मिरच्या आणि लसूण इत्यादी पदार्थांचा वापर करून बनवलेली चटणी गरमागरम भाकरीसोबत सुंदर लागेल. चला जाणून घेऊया कोल्हापुरी तिखट चटणी बनवण्याची सोपी रेसिपी.(फोटो सौजन्य – pintrest)

चॉकलेट लव्हर्स… कधी Earthquake Cake खाल्ला आहे का? चवीने भरपूर घरीच करा तयार

साहित्य:

• तेल
• शेंगदाणे
• हिरव्या मिरच्या
• लसूण
• मीठ
• तीळ
• जिरं
• कोथिंबीर

खोकल्यामुळे सतत घसा खवखवतो? पारंपरिक पद्धतीने घरी बनवा सुंठगोळी, अनेक आजारांपासून राहाल दूर

कृती:

• कोल्हापुरी तिखट चटणी बनवण्यासाठी सर्वप्रथम, कढई गरम करून त्यात शेंगदाणे टाकून खमंग भाजून घ्या. शेंगदाणे नेहमी मंद आचेवर भाजावे.
• त्यानंतर त्यात तेल टाकून लसूण पाकळ्या आणि हिरव्या मिरची टाकून व्यवस्थित भाजून घ्या.
• नंतर त्यात जिरं, पांढरे तीळ आणि कोथिंबीर घालून भाजा. कोथिंबिरीचा रंग बदलल्यानंतर गॅस बंद करून घ्या.
• तयार केलेले मिश्रण थंड झाल्यानंतर मिक्सरच्या भांड्यात टाकून जाडसर वाटून घ्या. त्यानंतर त्यात चवीनुसार मीठ टाकून पुन्हा एकदा वाटून घ्या.
• तयार आहे सोप्या पद्धतीमध्ये बनवलेली कोल्हापुरी तिखट चटणी. हा पदार्थ १० दिवसांपर्यंत व्यवस्थित टिकून राहतो.