संध्याकाळची छोटी मोठी भूक भागवण्यासाठी झटपट बनवा मखाणा रायता, आरोग्यासाठी ठरेल पौष्टिक पदार्थ

संध्याकाळच्या नाश्त्यात नेहमीच तेलकट पदार्थ खाण्यापेक्षा सोप्या पद्धतीमध्ये घरी तुम्ही मखाणा रायता बनवू शकता. हा पदार्थ चवीला अतिशय सुंदर लागतो. चला तर जाणून घेऊया रेसिपी.

पोषक घटकांचा खजिना म्हणजे मखाणा. मखाणा खाणे आरोग्यासाठी अतिशय पौष्टिक आहे. यामध्ये प्रथिने, फायबर, कॅल्शियम आणि मॅग्नेशियम इत्यादी अनेक घटक आढळून येतात. सकाळच्या नाश्त्यात किंवा संध्याकाळच्या नाश्त्यात भूक लागल्यानंतर तुम्ही मखाणा खाऊ शकता. वाढलेले वजन कमी करताना आहारात अनेक वेगवेगळ्या पदार्थांचे सेवन केले जाते. अशावेळी कोणत्याही पदार्थाचे सेवन करण्याऐवजी मखाणा खावा. यामुळे दीर्घकाळ पोट भरलेले राहते. आज आम्ही तुम्हाला संध्याकाळच्या नाश्त्यात मखाणा रायता बनवण्याची सोपी रेसिपी सांगणार आहोत. मखाणा रायता शरीरात निर्माण झालेली पोषक घटकांची कमतरता भरून काढण्यासाठी मदत करेल. दह्यामध्ये असलेले चांगले बॅक्टेरिया पचनक्रिया निरोगी ठेवतात. मळाच्या बियांमध्ये कार्बोहायड्रेट्स आणि प्रथिने असतात, ज्यामुळे शरीराला ऊर्जा मिळते. चला तर जाणून घेऊया मखाणा रायता बनवण्याची सोपी रेसिपी.(फोटो सौजन्य – istock)

उरलेल्या चपातीला द्या हटके ट्विट्स! सकाळच्या नाश्त्यात ५ मिनिटांमध्ये बनवा चविष्ट रॅप, नोट करा रेसिपी

साहित्य:

• मखाणा
• दही
• मीठ
• कांदा
• जिरं पावडर
• काळे मीठ
• कोथिंबीर
• तूप
• चाट मसाला

पावसाळ्यातील थंडगार वातावरणात झटपट बनवा हिरव्या मुगाचं कढण, नोट करा पारंपरिक पदार्थ

कृती:

• मखाणा रायता बनवण्यासाठी सर्वप्रथम, कढई मध्ये थोडस तूप टाकून गरम करून घ्या. त्यानंतर त्यात मखाणा घालून भाजा.
• मोठ्या वाटीमध्ये दही घेऊन फेटून घ्या. दह्यात अजिबात गुठळ्या ठेवू नये. यामुळे पदार्थाची चव बिघडते.
• दही फेटून झाल्यानंतर त्यात बारीक चिरलेला कांदा, काळे मीठ, चाट मसाला आणि कोथिंबीर घालून व्यवस्थित मिक्स करा.
• मिक्स करून झाल्यानंतर सगळ्यात शेवटी तयार केलेल्या दह्याच्या पेस्टमध्ये मखाणा घालून मिक्स करा.
• तयार आहे सोप्या पद्धतीमध्ये बनवलेला मखाणा रायता. तुम्ही बनवलेला हा पदार्थ घरातील सगळ्यांचं नक्कीच खूप जास्त आवडेल.